Markus 11:12 - Kaili Ledo

¹² Naeo mpadondo, tempo ira nalai lako ri ngata Betania, naaramo tai i Yesus.

Markus 11:12 Referans Kwoze

Yohanes 19:28

Nisani i Yesus naupu puramo bagoNa. Jadi notesamo Ia ala madupa tesa nitulisi riara Buku Gasa. NiuliNa, “Nabai tamboloKu.”

Matius 4:2

Hamai patapulu eo bo patapulu mbongi i Yesus nopuasa. Naupu haitu naara mpuumo taiNa.

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

Lukas 4:2

Patapulu-mbongi kasaena Ia nonturo sumai bo nipesori Magau nu Seta. Patapulu-mbongi Ia sumai ledo ria nuapa-nuapa nikandeNa sampe naara mpuu taiNa.

Markus 11:13

Da nggavaona nikitaNamo sanggayu kayu ara nagumbu tavana. Jadi haumo Ia nanggaparai kayu haitu mompeintaka bara maria vuana. Nakava hamai, aga tavana bayangi nikitaNa. Nau sangu vuana ledo ria nikavaNa apa dopa tempo mpovuana.

Markus 11:20

Naeo mpadondo sanggaeo mpisina, noliumo ira ri kayu ara anu nipindasi i Yesus. Nikitara kayu haitu namate sampe ri kalenamo.