Lukas 9:44 - Kaili Ledo

⁴⁴ “Pariaramo tesaKu hitu: Yaku, Ana nu Manusia nitoiya ntona sii-sii, tapi makava tempona Yaku radekei riara kuasa nu manusia.”

Lukas 9:44 Referans Kwoze

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Lukas 9:22

Yaku, Ana nu Manusia, kana rapandasa bo rapoara ntotua ntoYahudi ante balengga-balengga ntopanggeni pesomba bo guru-guru agama. Yaku rapatesi tapi ri eo katataluna Yaku rapakatuvu mpanjili.”

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

Lukas 2:19

Tapi i Maria nompariara pura-pura anu niepena, bo nitanondoakana.

Yohanes 19:11

Nesana i Yesus, “Ane Alatala ledo mombadekei kuasa ka komiu, komiu ledo mamala mombakuasai karoKu. Jadi dosa ntona anu nanggeni Yaku tumai nte komiu nambasopa pade dosamiu.”

Yohanes 16:4

NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Lukas 18:31

I Yesus nompasiromu sapulu randua anaguruNa pade niulikaNa, “Epemo! Sii-sii kita mantende hau ri ngata Yerusalem. Hamai kana madupa pura-pura anu nitulisi nabi-nabi nggaulu, haitumo anu majadi ante Yaku, Ana nu Manusia.

Lukas 2:51

Naupu haitu, notinggulimo i Yesus nosanggani-nggani nte tina tuamaNa hau ri ngata Nazaret, bo natundu nte totuaNa. Pura-pura anu najadi haitu, niboli ntinaNa riara ntaina.

Lukas 1:66

Pura-pura tona nangepe anu najadi haitu nompekiri riara ntaira, “Majadi nuapa ngana haitu ngena?” Niulira ivesia sabana nikitara kuasa nu Alatala naria ante ngana haitu.

Markus 9:31

sabana Ia da nompatuduki anaguruNa. NipatudukiNa ira ivei: <>

Markus 8:31

Naliu haitu, nompamulamo i Yesus nompatuduki anaguruNa. <>

Matius 26:2

“Nisanimiumo roeopa Eo Mbaso Paskahmo. Bo Yaku, Ana nu Manusia, radekei ka baliKu bo rapakura ri kayu salib.”

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Yohanes 16:31

Nesanamo i Yesus, “Niparasayamiu mpuumo?