Lukas 8:53 - Kaili Ledo

⁵³ Nangepe tesa i Yesus, aga nipongirikara apa nisanira ngana mombine haitu namate mpuumo.

Lukas 8:53 Referans Kwoze

Lukas 16:14

ToFarisi nangepe pura-pura anu nitesa i Yesus pangane, aga nipongirikara i Yesus sabana ira topompotove doi.

Yohanes 11:39

Nanguli i Yesus, “Lelakamo vatu haitu!” Tapi nanguli i Marta, sampesuvu ntomate haitu, “Pue, natantu navaumo ia, apa pata-eomo ia riara dayona.”

Matius 9:24

Nanguli i Yesus ka ira, “Palaimo komiu pura-pura. Ngana haitu ledo namate. Ia aga namonjo.” Nangepe tesa haitu, aga nipongirikara i Yesus.

Lukas 8:52

Tempo haitu, pura-pura tona nasiromu ri sia nantete notumangi sabana ngana haitu namatemo. Tapi i Yesus nanguli ka ira, “Tumo motumangi! Ngana haitu ledo namate, aga namonjo.”

Lukas 8:54

Tapi i Yesus hau nesua riara ntombi bo nikangisiNa pale nu ngana haitu. Pade niuliNa, “Ana, pembangumo!”