Lukas 7:39 - Kaili Ledo

³⁹ Nanggita haitu, nompekirimo i Simon, “Tona hitu ledo nabi. Ane rapana Ia nabi, tantu rasaniNa isema mombine nanggangisi Ia haitu, apa mombine haitu nadosa.”

Lukas 7:39 Referans Kwoze

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Lukas 15:2

Nanggita haitu, toFarisi bo guru agama nongau. “Hm! Ledo nabelo tona hitu! Ia nosimporoa ante tona nadaa bo nangande singgani nte ira!”

Markus 7:21

Apa lako riarana haitumo neumba pekiri-pekiri nadaa, anu nanggeni ia mogau nabuga, mangangga, mepatesi,

Yohanes 9:24

Naupu haitu, nipokiora vai sangganipa toburo haitu bo nipekutanara, “Ulimo anu nakana ri ngayo nu Alatala! Nisani kamimo tona nompakabelo matamu haitu tona nadosa!”

Yohanes 7:12

Ri tatanga ntodea nadeamo tona nosikalivaya nanguli i Yesus. Naria sanu nanguli, “Ia tona nabelo.” Tapi naria muni sanu nanguli, “Ledo! Ia nombabagiu todea!”

Yohanes 4:19

Bo nesana mombine haitu, “Guru, natantumo Komiu nabi.

Lukas 18:4

Pamulana topotangara haitu ledo nadota mantulungi timbala pangane. Tapi kaupuna nipekirina, ‘Nau yaku ledo naeka nte Alatala bo ledo muni nipeiliku singgamanusiaku,

Lukas 16:3

Nangepe haitu, nompekirimo topompasiayu kakalumana, ‘Hee, berimbamo yaku hii? Tuaku madota mombakabasaka yaku. Nuapa kupovia ngena? Ane motonggo, domo kupakule. Ane merapi-rapi ri dala, maeya mataku.

Lukas 7:37

Ri ngata haitu naria saito mombine nadosa, pokaingguna ledo masipato. Niepena i Yesus ria nangande ri banua ntoFarisi haitu, hau ia nanggeni botolo kodi nipovia lako ri vatu pualam. Botolo haitu noisi lana vangi.

Lukas 3:8

Ane komiu mpuu-mpuu majea, popakitamo ante pokainggu nabelo. Nee rapekirimiu,‘Kita hii muli Nabi Abraham, jadi pehuku nu Alatala ledo rapambela ka kita!’ Haitu muni ledo nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Lukas 12:17

Tona haitu nompekiri, ‘Nuapa kupovia? Domo ria pomboli asele poviaku.’

Matius 20:16

Bo i Yesus nompakaupu porapa haitu ante nanguli, “Ivesia muni bara maipiapa, tona naede panggana sii-sii majadi tona malanga panggana. Bo nadea muni tona nalanga panggana sii-sii majadi tona maede panggana.”

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Lukas 7:38

Ia nakava nanggaparai kada i Yesus bo notumangi. Uve matana nombabanggasi kada i Yesus jadi nipaisina buluana sampe nabai, bo niekina bo nitolina lana vangi kada i Yesus.

Lukas 7:40

Nanguli i Yesus ka i Simon, “Simon, naria sangaya Kuuli ka iko.” Nesana i Simon, “Iyo, ulimo, Guru.”