Lukas 7:33 - Kaili Ledo

³³ Ivesia muni najadi nte kami bo i Yohanes. I Yohanes nakava, nopuasa ledo nangande, bo ledo muni nanginu uve anggur, bo niulimiu ia nipesua nu seta!

Lukas 7:33 Referans Kwoze

Lukas 1:15

Ia majadi tomaoge ri panggita nu Alatala. Ia ledo manginu anu nepakalangu. Lako ri pompoanakame, ia rakuasai Nosa Gasa nu Alatala.

Markus 1:6

I Yohanes nompake pakea nitanu lako ri bulu unta. Ia nosulepe kulimba bo kandeana nggaboro bo manisa.

Suro-Suro 2:13

Tapi naria muni tona ntanina hamai aga nepongei-ngeika. Ira nanguli, “Ah, tona haitu, bara nalangu!”

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Matius 3:4

I Yohanes haitu nopakea baju nitanu lako ri bulu unta. Ia nosulepe kulimba bo kandeana nggaboro bo manisa.

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 3:1

Bara sakuya mpae kaliuna haitu, nompamulamo i Yohanes Topediu nompatuduki ri karava bai ri bagia Yudea.

Lukas 7:32

Ira nasimbayu mpo ngana-ngana nonturo ri potomu, sangaya-sangaya niulika, ledo nioseakara. Ira aga nosipongare nte roara, ‘Kami nantavusi suli bo nodade-dade mompakadamba raramiu tapi ledo nadamba komiu. Kami nodade nasusa mpo tempo kamate tapi ledo notumangi komiu.’

Lukas 7:34

Yaku, Ana nu Manusia nakava nangande bo nanginu mpo tona biasa, bo niulimiu ivei: ‘Peintamo tona haitu! Nadoko, nalangu, vega ntopesingara balasitee bo vega ntodosa!’