Lukas 6:49 - Kaili Ledo

⁴⁹ Tapi isema-isema aga niepena bayangi tesaKu bo ledo nioseakana, ia nasimbayu mpo tona novia banua ledo nipandasi. Tempo lono oge nodala ri banua, banua haitu kaliu-liu naombo bo nagero ntotomo.”

Lukas 6:49 Referans Kwoze

Matius 23:3

Haitu sampe komiu masipato mangoseaka bo matundu ri pura-pura anu nipatudukira ka komiu. Tapi nee rapasiala pokainggura, sabana ira mboto ledo nangoseaka pepatuduki nipatudukira ka komiu.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Lukas 12:47

Ane batua nisanina dota nu madikana, tapi ledo nainga bo ledo nipoviana dota nu madikana, ia kana rajeani pakandasa.

Lukas 6:46

Nangulimo i Yesus, “Nakuya komiu noronde Yaku ‘Pue, Pue’ tapi ledo nioseakamiu parentaKu?

Markus 4:17

Tapi ledo naroso pomparasayara, nasimbayu mpo tuda-tuda ledo naroso pokalena. Tempo ira nipandasa bara nipakasusa sabana nomparasaya Tesa haitu, kaliu-liu nouramo rarara.

2 Petrus 2:20

Mandasa mpuumo ira! Apa bara ipia ira mpuu-mpuu nosisani nte Tuputa Yesus, Topompakasalama kita, sampe ira nikabasakamo lako ri pokainggu nadaa anu nompakagero manusia ri dunia hitu. Tapi naupu sia, ira nipemala bo nikuasai nu pokainggu-pokainggu nadaa haitu mpanjili. Kaupuna, nelabipa kandasa katuvura pade ri pamulana.

1 Tesalonika 3:5

Jadi sia sampe nituduku i Timotius tou nte komiu, ala kusani berimba pomparasayamiu, sabana domo nipakuleku mantaamaka kalentora raraku nompekirika komiu. Nakini raraku nee-nee komiu bara mamala radagi nu Magau Seta ante pesori-pesorina sampe domo ria asele lako ri katiti nu ini kami nanggeni Kareba Belo ka komiu.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 20:29

Nisaniku malai yaku lako ri sii, kana makava tona nadaa anu mompakasusa todea anu nipiaramiu, nasimbayu mpo asulaku makava mombabaga bimba.

Lukas 19:27

Hitupa, keni tumai ri ngayoku bali-baliku anu ledo nadota nantarima yaku majadi madikara. Patesimo ira pura-pura ri ngayoku hitu!’ ”

Lukas 19:14

Naupu notesa ivehaitu nalaimo ia. Tapi tona ri ngatana mboto navuu matara nte ia. Jadi nitudura topanggeni tesa hau ri ngata nakavao haitu. Nakava sumai topanggeni tesa haitu nanguli ka Magau Mbaso, ‘Kami ledo madota ana madika hitu majadi madika ri ngata kami.’

Matius 24:10

Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira.

Lukas 6:48

ia nasimbayu mpo topovia banua. Nikaena pakandala tana bo nipoviana pandasi vatu. Tempo lono bo uve binangga nanggabuntu nodala ri banua, banua haitu ledo nogoya sabana pandasina naroso.

Lukas 7:1

Naupu i Yesus notesa ka todea, haumo Ia ri ngata Kapernaum.