Lukas 6:35 - Kaili Ledo

³⁵ Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Lukas 6:35 Referans Kwoze

Yohanes 13:35

Ane mosimpotove komiu, rasani ntodeamo komiu mpuu-mpuu ana-anaguruKu.”

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Yohanes 15:8

Ane komiu movua madea, natantu komiu mpuu-mpuu anaguruKu. Bo poviamiu haitu mompopakita kaoge nTuamaKu ka tona.

Suro-Suro 14:17

Tapi nau ivesia, ledo nalinga raraNa nombadekei tanda-tanda ka kita ala rasanita Iamo Alatala. Ia nabelo mpuu nte kita, nidekeiNa ka kita uda lako ri langi, bo asele panggaviata ri tempona. NidekeiNa kandea ka kita bo nipakadambaNa rarata.”

Lukas 1:32

Ia rapakaoge nu Alatala bo rakasangai Ana nu Alatala, toNeliu Kaogena. Alatala mompajadi Ia magau mpo totuaNa nggaulu, Magau Daud.

Markus 5:7

Namangga mpuu ia nongare, <>

Matius 5:9

Nabelo mpuumo tona nompoposinggabelo roa, sabana iamo rauli nu Alatala anaNa.

Lukas 6:36

Komiu muni kana mepotove nasimbayu eva pepotove nu Alatala, Tuamamiu.”

2 Timotius 3:2

Tempo haitu madea tona aga mompotove karora mboto. Ira madoko doi, mamango, malanga rara, mantunturaka roa, bo ledo matundu nte totuara. Ledo rasanira motarima kasi, bo ledo rapeilira agama.