Lukas 6:27 - Kaili Ledo

²⁷ “Tapi Kuuli ka komiu topangepe tesaKu sii-sii: Potovemo balimiu, povia anu nabelo ka tona navuu matana nte komiu.

Lukas 6:27 Referans Kwoze

1 Tesalonika 5:15

Jagaimo ala ledo maria komiu mombabalasi pokainggu nadaa ante anu nadaa. Komiu kana masaro mompasimbuku movia anu nabelo ka roa-roamiu bo ka tona ntanina muni.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Galatia 6:10

Jadi tempo da naria loga kita kana movia anu nabelo ka pura-pura tona, nelabipa ka sampesuvuta sampomparasaya.

Markus 4:24

Pade i Yesus nompapola tesaNa ivei: <

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 7:60

Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Lukas 8:18

Jadi pariara pakabelo-belo Tesa nu Alatala niepemiu, sabana isema-sema mantarima bo mangoseaka Tesa haitu kana ratambaika pangisanina Tesa haitu. Tapi isema-sema ledo ratarimana bo ledo raoseakana Tesa nu Alatala, pangisani sakide naria nte ia ralelakasi lako nte ia.”

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Lukas 8:8

Bo naria muni savua nanavu ri tana naboya, bo nabelo mpuu katuvuna sampe vuana saatu-nggani kadeana.” Naupu notesa ivehaitu, nangulimo i Yesus, “Isema-sema naria talingana, pariaramo porapa hitu!”

Lukas 6:22

Nabelo mpuu komiu ane rapovuu mata ntona, rasuko ntona, rasalai ntona bo sangamiu rapakadaa ntona sabana komiu nangoseaka Yaku, Ana nu Manusia.

3 Yohanes 1:11

Vegaku, nee mupasiala pokainggu nadaa, tapi pasialamo pokainggu nabelo. Isema-sema novia anu nabelo, iramo ana-ana nu Alatala. Tapi isema-sema novia anu nadaa, ledo ntoto nosisani nte Alatala.

Suro-Suro 16:28

Tapi i Paulus nongare ante suara namangga, “Nee mupatesi karomu! Da naria pura kami ri sii!”