Lukas 6:11 - Kaili Ledo

¹¹ Nanggita haitu nagigi mpuu rara nu guru-guru agama bo toFarisi haitu. Jadi nolibu ira nuapa mamala rapoviara nte i Yesus.

Lukas 6:11 Referans Kwoze

Suro-Suro 5:33

Nangepe tesa-tesa nu suro-suro, nadua mpuu rara ntoPolibu Mbaso, sampe ira nasintuvu mompatesi suro-suro haitu.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 7:54

Nangepe tesa i Stefanus pangane, nadua mpuumo rara ntoPolibu Mbaso Agama sampe nanggiki baga pura ira.

Suro-Suro 4:19

Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

Suro-Suro 4:15

Jadi nitudura suro haitu rakeni hau ri savalikuna sampalai, bo topolibu pangane nosimpekutana,

Yohanes 11:47

Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Lukas 4:28

Nieperapa tesa i Yesus, narau mpuu rara ntona riara banua petupu haitu.

Matius 21:45

Tempo balengga-balengga ntopanggeni pesomba bo toFarisi nangepe porapa i Yesus haitu, nisanira porapa-porapa gahaitu nipambela ka ira.

Matius 16:7

Nangepe haitu nosimpotesa anaguruNa, “NiuliNa ivesia sabana kita ledo nanggeni roti bara.”

Lukas 6:10

Naupu i Yesus nanguli ivesia, neilimo Ia nangganoto pura-pura tona ri sia, pade niulikaNa tona nakoyo palena, “Odomo palemu!” Niodona palena, nabelo mpuumo.

Lukas 6:12

Tempo haitu, i Yesus ante topangoseaka Ia hau nantende ri bulu. Nakava sumai Ia nosambaya ka Alatala njambongi ntua.

2 Timotius 3:9

Tapi ledo rapakulera mompapola pangevara pepatuduki nakana, sabana kadoyora haitu kana malanto rasani ntodea, nasimbayu nte anu najadi nte i Yanes bo Yambres nggaulu.