Lukas 5:33 - Kaili Ledo

³³ ToFarisi ante guru-guru agama pangane nanguli ka i Yesus, “Anaguru i Yohanes nasaro nopuasa bo nosambaya. Ivesia muni anaguru ntoFarisi. Tapi anaguruMiu aga nangande bo nanginu. Nakuya ira ledo nopuasa?”

Lukas 5:33 Referans Kwoze

Lukas 20:47

Nibagiura timbala-timbala ala raalasira banua ntimbala haitu. Bo nitabuniakara pokainggura nadaa ante nosambaya pakandoe. Natantu mantamo mpuu pehuku ka ira ngena!”

Lukas 18:12

Ronggani saminggu yaku nopuasa, bo nidekeiku ka Komiu sabagia lako ri sapulu bagia asele panggaviaku pura-pura.’

Suro-Suro 9:11

I Pue nanguli, “Koimo hau ri dala nosanga Dala Noa. Elomo ri sia saito tona lako ri ngata Tarsus nosanga i Saulus. Hitu-hitu ia nosambaya.

Yohanes 3:25

Ri sia ana-anaguru i Yohanes nosinjanai nte saito toYahudi. Ira nosinjanaika ada-ada pompakagasa karo anu nituntuni ntoYahudi.

Yohanes 1:35

Eo kamailena naria vaimo i Yohanes nosanggani-nggani ante randua topangoseaka ia.

Lukas 11:1

Naria sanggani i Yesus hau nosambaya. Naupu Ia nosambaya, nangulimo saito anaguruNa, “Pue, patuduki muni kami mosambaya mpo i Yohanes Topediu nompatuduki anaguruna nosambaya.”

Markus 12:40

Nibagiura timbala-timbala ala mangalasi banuara. Bo nitabuniakara pokainggura nadaa haitu ante nosambaya pakandoe. Mantamo mpuu pehuku ka ira ngena!>>

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Lukas 2:37

natimbalamo ia. Nau natimbalamo, ledo nipalaisina Banua nu Alatala. Eo bongi ia netupu nte Alatala ante nosambaya bo nopuasa. Tempo haitu i Hana noumuru valupulu bo pata-mpaemo.

Lukas 5:32

Ivesia muni Yaku. Yaku ledo nakava mompokio tona nanoa, tapi mompokio tona nadosa majea lako ri dosara.”

Lukas 5:34

Nanguli i Yesus ka ira, “Ane da naria boti langgai ri posusa ponika, ledo masipato torata mopuasa.