Lukas 5:1 - Kaili Ledo

¹ Naria sanggani i Yesus neangga nompaguru ri tinggi Rano Genesaret. Nadea tona nosiaso madota mangepe tesa nu Alatala.

Lukas 5:1 Referans Kwoze

Markus 3:9

Nadea mpuu tona nasiromu ri sia sampe i Yesus nombatudu ana-anaguruNa mompakasadia sangu sakaya ka Ia ala nee sampe Ia raposiupisira.

Matius 14:34

Nakava ri sambote rano nesampomo ira ri bagia Genesaret.

Markus 6:53

Sanggavote i Yesus bo anaguruNa ri tinggi rano napara bagia Genesaret, nesampomo sakayara.

Matius 11:12

Lako ri pamula nu pokarajaa i Yohanes Topediu sampe sii-sii, Poparenta nu Alatala nieva ntona nadaa bo nasese anu madota mombadagina.

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Markus 5:24

Jadi haumo i Yesus nosanggani-nggani ante i Yairus. Nadea mpuu tona nantuntuni ira bo nomposimpii i Yesus.

Lukas 8:45

Nekutanamo i Yesus, “Isema nanggabe Yaku pangane?” Pura-pura tona nesapu, bo i Petrus nanguli, “Guru, ri sii nadea tona nosiaso ri sinjoriMiu bo nomposimpii Komiu.”

Markus 4:1

Naria saeo i Yesus nompaguru ri tinggi rano Galilea. Nadea mpuu tona nombatagui Ia. Jadi Ia nesavi bo nonturo riara sakaya bo todea neangga ri kabatana ri tinggi rano.

Lukas 5:2

NikitaNa randua sakaya ri bivi rano. Tempo haitu topompemala bau nanaumo lako ri sakayara bo notoposi jalara.

Lukas 8:22

Naria sanggani i Yesus ante anaguruNa nesavi sakaya. I Yesus nanguli ka ira, “Hau kita ri sambote rano.” Jadi haumo ira.

Lukas 8:23

Tempo ira da ranja mpopajala sakaya, namonjomo i Yesus. Sampesanika, narimbosomo poiri bo balumba mbaso nombarumpa sakayara. Uve nesua riara sakaya, sakidepa matala.

Lukas 8:33

Jadi seta-seta nesuvu mpuu lako ri tona haitu bo nolinja nesua riara nu bavu dea. Naupu sia, nangovamo bavu dea haitu notingganavu lako ri tinggi dapala hau riara rano bo nalodomo.

Yohanes 1:40

I Andreas saito lako ri ira randua anu nangepe tesa i Yohanes pangane, hau nioseakanamo i Yesus. I Andreas nosampesuvu nte i Simon Petrus.

Yohanes 6:1

Naliu haitu, i Yesus hau nevote Rano Galilea, anu niuli muni Rano Tiberias.

Ibrani 13:7

Pekirikamo katuvu pakeni-pakeni anu nanggeni Tesa nu Alatala ka komiu bara ipia. Pariarantaimo jonjo katuvura bo kamatera, bo pasialamo pomparasayara.