Lukas 4:7 - Kaili Ledo

⁷ Pura-pura majadi bagiaMiu ane rasombaMiu yaku.”

Lukas 4:7 Referans Kwoze

Pompakita 22:8

Yaku i Yohanes nanggita bo nangepe pura-pura kajadia pangane. Naupu yaku nangepe bo nanggita haitu pura-pura, nantaputumo yaku sampe ri tana mombasomba malaeka anu nombatuduaka pura-pura kajadia haitu ka yaku.

Pompakita 5:8

Tempo Ana Bimba nangala sura haitu, nantaputumo ampa Anu Natuvu, bo ropulu bo ampa totua ri ngayoNa mombasomba Ia. Ri palera saito-saito naria kacapi bo tubu bulava niisi dupa anu navangi mpuu. Dupa haitu nirapaka posambaya ntodea nu Alatala.

Pompakita 4:10

ropulu bo ampa totua haitu nantaputu sampe ri tana ri ngayo nToponturo haitu. Ira nombasomba Ia anu natuvu sampe ri kasae-saena, bo nialara songgo bulava lako ri balenggara mboto bo nituura ri ngayo Gadera Kamagaua nu Alatala, tanda pobilara Ia. Bo niulira ivei:

Lukas 17:16

Ia notungga sampe ri tana ri ngayo i Yesus bo nanguli tarima kasi. Ia mai toSamaria.

Matius 2:11

Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Lukas 4:6

Pade nanguli Seta ka i Yesus, “Kuasa momparenta pura-pura kamagaua, bo pura-pura kakalumanara kudekei ka Komiu, sabana pura-pura hitu yaku tupuna bo namala kudekei ka isema-sema kupodota.

Lukas 4:8

Pade nesana i Yesus, “Riara nu Buku Gasa nitulisi ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”