Tapi tomaoge-tomaoge bo mombine-mombine anu naria nturona bo natundu nte Alatala, nipakapane ntoYahudi sampe i Paulus bo i Barnabas nipandasa bo nipopalai lako ri ngata haitu.
Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.
Ri eo-eo penonto i Paulus hau ri banua petupu ntoYahudi notesa nosinjula pekiri ante tona nasiromu ri sia, toYahudi bo toYunani. Ia nompasimbuku nanggeni ira momparasaya i Yesus.