Lukas 4:22 - Kaili Ledo

²² Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Lukas 4:22 Referans Kwoze

Yohanes 6:42

Nosimpotesamo ira, “Bai! Ledo Ia hitu i Yesus ana i Yusuf? Nisanita pura tina tuamaNa. Berimba sampe niuliNa Ia nanau lako ri suruga?”

Titus 2:8

Pakemo tesa-tesa nakana bo masipato, anu ledo mamala rasalai ntona. Ane mupatuduki ivesia, tona nangeva kita maeya matara, apa pura-pura anu niulimu nabelo. Ledo maria nuapa-nuapa nadaa anu namala rasalaira ka kita.

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Yohanes 7:46

Nesanamo topojaga Banua nu Alatala haitu, “Dopa naria niepe kami tona notesa mpo Ia.”

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Lukas 2:47

Pura-pura tona nangepe Ia nokumaa, sabana natau mpuu Ia nesanaka guru agama.

Lukas 2:48

Tina tuamaNa muni nokumaa nanggita ia ri sia. Nanguli tinaNa ka Ia, “Yesus, nakuya Iko nompovia kami ivehitu? Yaku nte tuamaMu nasesa mpuu nompaelo Iko!”

Lukas 4:21

I Yesus nompamulamo nompatuduki ira. NiuliNa, “Anu nibacaKu pangane, dako nipakadupa eo hitu ante peongaKu.”

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”