Lukas 4:20 - Kaili Ledo

²⁰ Naupu nibacaNa, nitutuiNamo bo nipopanjiliNamo ka topojaga ri sia. Naupu haitu nonturomo Ia bo pura-pura tona riara banua petupu haitu nompeintaka Ia, mangepe anu rauliNa.

Lukas 4:20 Referans Kwoze

Lukas 4:17

Buku Nabi Yesaya nidekei ka Ia. NitimpaNa, nikavaNa bagia hitu pade nibacaNa ivei:

Yohanes 8:2

Kamaile bobayana, hau vaimo Ia nesua ri doyata Banua nu Alatala, bo nakavamo todea nasiromu nte Ia. Nonturomo Ia bo nompatuduki ira.

Lukas 19:48

Tapi ledo nikavara dala mompatesi Ia, sabana pura-pura todea nadamba gagamo nangepe tesaNa.

Lukas 5:3

I Yesus hau nesavi sakaya, haitumo sakaya i Simon, bo nituduNa i Simon mombasoro sakaya haitu makavao sakide lako ri bivi rano. I Yesus nonturo riara sakaya, bo lako ranjakaya Ia nompaguru todea.

Matius 26:55

Pade nanguli i Yesus ka todea ri sia, “Berimbamo? Yaku hii topeago sampe komiu kana tumai ante guma bo pato mombasaka Yaku? Eo-eo Yaku nonturo nompaguru ri doyata Banua nu Alatala, tapi ledo nisakamiu Yaku!

Suro-Suro 16:13

Ri eo penonto ntoYahudi, kami hau ri tinggi binangga ri savaliku bobaa nu ngata, sabana nisarumaka kami hamai rakasiromu ntoYahudi mosambaya. Jadi kami nonturo notesa-tesa ante mombine-mombine nasiromu ri sia.

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!

Matius 27:60

bo nidikana riara dayo nipoviana ka karona mboto anu dako nipaa ri vatu nobunti. Naupu haitu nidulina vatu mbaso mombaupi vamba dayo haitu, bo nalaimo ia.

Lukas 4:21

I Yesus nompamulamo nompatuduki ira. NiuliNa, “Anu nibacaKu pangane, dako nipakadupa eo hitu ante peongaKu.”