Lukas 24:19 - Kaili Ledo

¹⁹ Nekutana i Yesus, “Nuapa najadi?” Nesana ira, “Anu najadi nte i Yesus, toNazaret! Ia nabi nu Alatala. TesaNa bo poviaNa nakuasa mpuu ri panggita nu Alatala, bo muni ri panggita ntodea.

Lukas 24:19 Referans Kwoze

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Suro-Suro 7:22

Pura-pura pangisani bo ada-ada ntoMesir nipatuduki ka i Musa, sampe ia najadi tona naroso mpuu tesana bo poviana.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Yohanes 6:14

Nipeinta ntodeapa anu nipovia i Yesus, notesamo ira, “Mpuu-mpuu Ia mai nabi nisarumakata makava ri dunia!”

Yohanes 4:19

Bo nesana mombine haitu, “Guru, natantumo Komiu nabi.

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Yohanes 7:52

Nesana roa-roana toFarisi, “Nakuya nisalikukamiu Ia? Komiu muni toGalilea? Paresamo Buku Gasa pakabelo-belo! Rakitamiu ledo ria saitoa nabi meumba lako ri bagia Galilea!”

Markus 1:24

<>

Lukas 24:18

Nesanamo saito anu nosanga i Kleopas, “Lako ri pura-pura tona ri ngata Yerusalem bara aga Komiu saitoMiu ledo nangisani anu najadi bara sako-mbongi naliu!”