Lukas 23:26 - Kaili Ledo

²⁶ Naupu haitu nikenira i Yesus hau rapatesira. Ri tatanga dala, nipotomuramo saito toKirene nosanga i Simon. Ia dako nakava ri kota Yerusalem. Nipopetaara ia bo nibarusura manjimbuaka kayu salib i Yesus ri puriNa.

Lukas 23:26 Referans Kwoze

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Suro-Suro 6:6

Tona papitu haitu nikenikara ka suro-suro bo naupu nosambaya, suro-suro nombadika palera ri balengga ntona haitu mombalanti ira majadi topotulungi suro-suro.

Suro-Suro 2:10

lako ri tana Frigia bo Pamfilia, lako ri tana Mesir bo lako ri tana Libia napara ngata Kirene. Naria muni lako ri ngata mbaso Roma.

Lukas 14:27

Isema-sema ledo madota manjimbuaka kayu salibna bo mangoseaka Yaku, ledo mamala majadi topangoseaka Yaku.

Lukas 9:23

Naupu sia niulikaNa todea ri sia, “Isema-sema madota mangoseaka Yaku, kana rakabasakana dotana mboto. Ia kana manjimbuaka kayu salibna eo-eo. Haitumo, ia kana masadia rapandasa nau sampe rapatesi bo mpuu-mpuu mangoseaka parentaKu.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Lukas 23:25

bo nikabasakana ka ira tona niperapira, haitumo i Barabas, anu nitarunggu sabana nangeva pomarenta bo nepatesi. Bo i Yesus nidekeina ka tantara Roma mompatesina nangoseaka dota nu pakeni ntoYahudi.

Matius 5:41

Ane maria tona mompasuu komiu manggala mbara-mbarana sangu kilo kakavaona, kalamo mbara-mbara haitu rokilo kakavaona.