Lukas 23:22 - Kaili Ledo

²² Katalu-ngganina i Pilatus notesa ri ngayora, “Tapi nuapa salaNa? Ledo ria sangua salaNa nikavaku sampe masipato Ia rapatesi.”

Lukas 23:22 Referans Kwoze

Lukas 23:14

pade niulikana ira pura-pura, “Tona hitu nikenimiu ka yaku bo niulimiu Ia nompakeni tona nangeva pomarenta. Niparesakumo Ia ri ngayomiu pura-pura, tapi ledo ntoto nikavaku anu niraimiu ka Ia.

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

1 Petrus 1:19

tapi nibayariNa ante anu nelabi noali, haitumo raa i Kristus. I Kristus nireke mpo ana bimba nadoli bo ledo nasala nisambale manjambei komiu.

Lukas 23:20

I Pilatus madota mombakabasaka i Yesus, jadi niulina vai sangganipa ri ngayo ntodea.

Lukas 23:16

Sabana haitu, kutudu tantaraku mombaboba bo mombakabasaka Ia.”

Lukas 23:4

Gubernur Pilatus nangulika balengga-balengga ntopanggeni pesomba bo todea haitu, “Niparesakumo tona hitu, ledo ntoto naria salaNa nikavaku!”

Lukas 23:21

Tapi nongare vaimo ira, “Pakumo Ia ri kayu salib! Pakumo Ia ri kayu salib!”

Lukas 23:23

Tapi ira aga nantambaipa kamanggana pongarera, “I Yesus kana rapaku ri kayu salib!” Kaupuna, padagimo ira, apa ira ledo naupu-upu nongare.