Lukas 23:16 - Kaili Ledo

¹⁶ Sabana haitu, kutudu tantaraku mombaboba bo mombakabasaka Ia.”

Lukas 23:16 Referans Kwoze

Matius 27:26

Naupu haitu i Pilatus nombakabasaka i Barabas ka ira. Bo nituduna tantarana mombacambu i Yesus bo mombapaku Ia ri kayu salib.

Lukas 23:22

Katalu-ngganina i Pilatus notesa ri ngayora, “Tapi nuapa salaNa? Ledo ria sangua salaNa nikavaku sampe masipato Ia rapatesi.”

Markus 15:15

I Pilatus madota mompakasana rara ntodea. Jadi nikabasakanamo i Barabas ka ira, bo nitudunamo tantarana mombacambu i Yesus, pade nidekeinamo i Yesus rapatesi rapaku ri kayu salib.

Suro-Suro 16:37

Tapi i Paulus nanguli ka polisi nakava ri sia, “Kami hii todea nu Magau Mbaso Roma! Naupa ivesia, ledo nitangara kami, aga nicambu ri ngayo ntodea, bo nisuaraka riara ntarunggu! Bo hitupa topoparenta-topoparenta mombatudu kami manjili nggalino-lino! Ledo madota kami! Kana ira mboto makava mompopesuvu kami!”

Lukas 6:37

“Nee rapakasalamiu tona ala komiu ledo rapakasala nu Alatala. Nee mompakatantu sala ntona kana rahuku, ala komiu ledo rahuku nu Alatala. Ampungimo tona ntanina ala komiu muni raampungi nu Alatala.

Lukas 23:17

[I Pilatus nanguli ivesia apa nantuntuni kabiasara, tempo Posusa Paskah, ia kana mombakabasaka ka ira saito tona nitarunggu.]