Lukas 22:53 - Kaili Ledo

⁵³ Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

Lukas 22:53 Referans Kwoze

Efesus 6:12

Apa kita ledo nangeva manusia. Kita nangeva kuasa-kuasa bo pomarenta-pomarenta nadaa anu ledo nikita. Kita nangeva malaeka-malaeka nadaa anu nakuasa ri dunia hitu. Kita nangeva mpengaya-ngaya seta bo anu daa ri laerava.

Yohanes 12:27

Hitupa nasusa mpuumo raraKu. Nuapa Kuuli? Madota Kuperapi TuamaKu mombakabasaka peparajea anu majadi ri karoKu ngena. Tapi ledo Kuperapi ivesia, sabana patuju kakavaKu ri dunia hitu ala mombarasai peparajea haitu.”

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Yohanes 7:45

Naupu sia, topojaga Banua nu Alatala anu nitudu mombasaka i Yesus pangane, nanjili hau nte toFarisi bo balengga-balengga ntopanggeni pesomba. Nakava hamai, toFarisi bo balengga-balengga haitu nanguli ka ira, “Nakuya ledo nikenimiu tona haitu tumai?”

Yohanes 14:30

Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Matius 21:23

I Yesus nesua riara doyata Banua nu Alatala bo nompaguru. Da ranja nompaguru Ia, nakavamo balengga-balengga ntopanggeni pesomba bo totua-totua ntoYahudi. Ira madota mangelo saba, jadi nipekutanara nte i Yesus, “Ante kuasa nuapa nipoviaMiu pura-pura haitu ri Banua nu Alatala? Isema nombadekei kuasa haitu ka Komiu?”

Lukas 22:52

Pade niulikaNa balengga-balengga ntopanggeni pesomba, pakeni-pakeni topojaga Banua nu Alatala, bo totua-totua ngata nakava ri sia mombasaka Ia, niuliNa: “Yaku hii ledo topeago sampe komiu kana makava ante guma bo pato mosaka Yaku!

Lukas 22:54

Nisakara mpuumo i Yesus bo nikenira hau ri banua nu Pakeni nTopanggeni Pesomba. I Petrus netuntuni nggavao lako ri purina.

Yohanes 13:30

Jadi naupu i Yudas nangala roti lako nte i Yesus, nalaimo ia. Tempo haitu nabongimo.