Lukas 22:13 - Kaili Ledo

¹³ Haumo i Petrus bo i Yohanes nesua rangata. Nikavara nasimbayu mpuu mpo anu niuli i Yesus ka ira. Jadi nipakasadiaramo kandea Paskah.

Lukas 22:13 Referans Kwoze

Lukas 21:33

Langi bo tana malipo tapi tesaKu bate-batena sampe ri kasae-saena.”

Lukas 19:32

Jadi haumo randua anaguruNa haitu bo nikavara mpuu anu niuli i Yesus ka ira.

Ibrani 11:8

Lako ri pomparasaya i Abraham, nioseakana parenta nu Alatala. Alatala nompokio ia bo nituduNa hau ri ngata nakavao. Alatala nojanji ngata haitu majadi bagia i Abraham. Jadi, nau dopa nisanina ri umba ngata rakalauna haitu, nipalaikanamo ngatana mboto nangoseaka parenta nu Alatala.

Yohanes 2:5

Bo nangulimo tinaNa ka topokarajaa ri posusa haitu, “Poviamo nuapa-nuapa ratuduNa ka komiu ngena.”

Yohanes 11:40

Nanguli i Yesus ka i Marta, “Nuapa niuliKu ka iko pangane? Ane muparasaya, mukita kaoge kuasa nu Alatala!”

Lukas 22:12

Bo tupu banua haitu mombatuduaka ka komiu sangu tombi mbaso ri kalangana nagana ante parevana. Ri siamo rapompakasadiamiu kandea Paskah ka kita.”

Lukas 22:14

Nakavamo tempo mangande kandea Posusa Paskah haitu, i Yesus nangande singgani-nggani ante anaguruNa ri banua haitu.