Lukas 21:4 - Kaili Ledo

⁴ Ira nombadekei lako ri labi nu kakalumanara, tapi nau timbala haitu napakasi mpuu, nidekeina pura-pura doi naria nte ia, anu niparaluuna mboto ka katuvuna.”

Lukas 21:4 Referans Kwoze

Lukas 15:12

Ana kaupuna nanguli ka tuamana, ‘Tata, dekei ka yakumo bagiaku lako ri kakalumanamiu.’ Jadi, nibagi ntuamanamo kakalumanana ka anana randua.

Suro-Suro 4:34

Ledo ria saitoa ira nakura nuapa-nuapa, sabana isema naria tanana bara banuana nipobaluna, nikenina ali nu tana bara banua haitu ka suro-suro rapake ka todea. Doi haitu nibagi-bagi nu suro-suro ka isema-sema naria paraluu.

Lukas 8:43

Ri sia naria saito mombine sapulu rompaemo naraa njuu. [Naupu puramo doina nekipakulisi nte dokutoro tapi ledo nabelo bo] ledo ria tona nompakule mompakabelo ia.

Markus 12:44

Ira nombadekei lako ri labi nu kakalumanara, tapi nau timbala haitu napakasi mpuu, nidekeina pura-pura doi naria nte ia, anu niparaluuna ka katuvuna mboto.>>

Lukas 21:3

Nanggita haitu, nanguli i Yesus, “Pariaramo! Nadeapa pedekei ntimbala napakasi haitu pade pedekei ntona ntanina.

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.