Lukas 21:23 - Kaili Ledo

²³ Napakasi mpuu mombine natiana bo mombine da nompatomi anana tempo haitu apa makaja malai. Ngata haitu mombarasai peparajea ntamo bo Tupu mombahuku todeaNa.

Lukas 21:23 Referans Kwoze

Lukas 23:29

apa makava tempona ngena rauli ntona, ‘Nabelo mpuu mombine nagampa anu ledo sanggania noana bo ledo sanggania nompatomi ngana!’

Markus 13:17

Ri eo haitu mandasa mpuu mombine natiana bo mombine da nompatomi anana apa makaja malai!

Matius 24:19

Ri eo haitu mandasa mpuu mombine natiana bo mombine da nompatomi anana apa makaja mpuu malai.

1 Petrus 4:17

Nakavamo tempona Alatala mombatangara pura-pura manusia. Bo kita todeaNa mboto mokolu ratangaraNa. Ane kita todeaNa mokolu ratangaraNa natantu mantamo mpuumo pehukuNa ka tona ledo nadota nomparasaya Kareba Belo lako nte Ia!

Yakobus 5:1

Sampesuvu-sampesuvu anu nakalumana, epemo tesaku! Komiu kana mantete motumangi, apa komiu rapambela kasusa bo kapari!

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Lukas 19:43

Apa makava tempona ngena, ngatamiu ravala ntiku nu balimiu. Balimiu mompatiku komiu sampe ledo mamala komiu mesuvu.

Lukas 19:27

Hitupa, keni tumai ri ngayoku bali-baliku anu ledo nadota nantarima yaku majadi madikara. Patesimo ira pura-pura ri ngayoku hitu!’ ”

Matius 21:44

Bo isema-sema manavu ri vatu haitu marupusaka, bo isema-sema rarumpi nu vatu haitu maoya mpeje.”

Matius 21:41

Nesana ira, “Natantumo rapatesina ira nadaa haitu bo rabolina taluana ka tona ntanina anu madota mombadekei ka ia bagiana lako ri asele ntalua ri tempona.”

Matius 21:16

Niulikara i Yesus, “Ledo niepeMiu anu niuli ngana-ngana hitu? Nakuya bo ledo nitagiMiu?” Nesana i Yesus, “NiepeKumo. Nakuya tano? Ledo nibacamiu anu nitulisi riara Buku Gasa ivei: Ngana-ngana bo ngana da netomi nipatudukiMiu mantoiya Komiu.” Mazmur 8:3

1 Korintus 7:26

Jadi ivei panggavaku: nantora mpengaya-ngaya pepandasa nirasai ntopomparasaya sii-sii, nabelopa ane katuvumiu ledo rabalikimiu.