Lukas 21:19 - Kaili Ledo

¹⁹ Ane komiu bate-batena momparasaya bo ledo moura, komiu mpuu-mpuu manggava katuvu mabelo sampe ri kasae-saena.”

Lukas 21:19 Referans Kwoze

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Yakobus 1:3

Sabana, nisanimiu ane maroo pomparasayamiu tempo nipesori, komiu majadi maroso bo rapakulemiu mantingayo nuapa-nuapa.

Pompakita 3:10

Komiu nangoseaka parentaKu anu nanguli pakaroo rara bo mosabara tempo nipandasa. Sabana haitu, Kusaliku komiu lako ri kasusa makava ri njumangu dunia mompesori tona nonturo ri dunia.

Roma 5:3

Bo ledo aga haitu, kita nadamba sabana nirasaita kasesa bo kapari, apa nisanita lako ri kasesa bo kapari haitu rarata majadi maroso.

Roma 2:7

Sanu tona ledo nasau rarara nokainggu nabelo sabana ira madota ratoiya bo rabila nu Alatala, bo madota manggava katuvu nabelo anu ledo maupu-upu. Bo Alatala mombadekei katuvu nabelo sampe ri kasae-saena ka tona gahaitu.

Pompakita 13:10

Isema-sema nipakatantu ratavani, kana ratavanimo. Isema-sema nipakatantu rapatesi ante guma, kana rapatesi ante gumamo. Anu nopoko ri sii, todea nu Alatala kana maroo tempo nipandasa bo nee moura momparasaya.

Pompakita 14:12

Anu nopoko ri sii, todea nu Alatala kana maroo momparasaya bo mosabara tempo mombarasai susa, haitumo ira anu nangoseaka parenta-parenta nu Alatala bo ledo nenonto nomparasaya i Yesus.”

Ibrani 6:11

Dota kami, ala komiu pura-pura mompasimbuku mokainggu ivehaitu sampe ri kaupuna ala komiu mpuu-mpuu manggava pura-pura anu nisarumakamiu lako nte Alatala.

Matius 24:13

Tapi tona maroo mangoseaka Yaku sampe ri kaupuna, iramo rapakasalama.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Ibrani 6:15

I Abraham nosabara nompopea, jadi nitarimanamo anu nijanji nu Alatala ka ia.

2 Tesalonika 3:5

Kuperapi i Pue Yesus manggeniaka komiu sampe komiu mpuu-mpuu mombarasai pepotove nu Alatala ka komiu, bo maroo raramiu riara kasusa nasimbayu mpo karoo rara i Kristus tempo Ia nipandasa.

Roma 8:25

Jadi ane kita nanjarumaka ratarimata anu dopa nitarimata, kita mosabara mantongoraka.

Lukas 8:15

Savua nanavu ri tana naboya, nirapaka tona nanoa bo nabelo rarara. Niepera Tesa nu Alatala bo nipariarara. Ira bate-batena nangoseaka Tesa nu Alatala sampe noguna mpuu katuvura.”

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

Roma 5:4

Ane maroso rarata, rapakuleta mombatidamaka tempo rapesori bo pokaingguta haitu rapokono nu Alatala. Bo ane rasanita pokaingguta nipokonoa nu Alatala, panjarumakata nte Ia mantambai maroso.

Yakobus 1:4

Bo ane komiu bate-batena momparasaya sampe ri kaupuna, pomparasayamiu mpuu-mpuu majadi maroso bo ledo makura nuapa-nuapa.

2 Petrus 1:6

Komiu kana mombakuasai karomiu mboto bo mosabara nau bara nuapa majadi. Komiu kana batena matuvu mangoseaka dota nu Alatala,