Lukas 20:6 - Kaili Ledo

⁶ Tapi ane raulita kuasana lako nte manusia, natantu todea mombarempe kita ante vatu, sabana ira pura-pura nomparasaya i Yohanes mpuu-mpuu nabi.”

Lukas 20:6 Referans Kwoze

Matius 21:26

Tapi ane raulita kuasana lako nte manusia, naeka kita nte todea, sabana ira pura-pura nomparasaya i Yohanes mpuu-mpuu nabi nTupu.”

Matius 11:9

Jadi nuapa patujumiu hamai? Tantumo hau manggita nabi. Tapi pariaramo! I Yohanes naogepa pade nabi ntanina,

Suro-Suro 5:26

Nangepe tesa haitu, pakeni ntopojaga Banua nu Alatala ante pura-pura roana hau nialara mpanjili suro-suro. Tapi ledo niduasira, apa naeka ira ka todea. Niulira bara rarempe ntodea ante vatu ira ane raduasira suro-suro.

Yohanes 10:41

Nadea tona hau nosinggava nte Ia. Bo simbo notesamo ira, “I Yohanes ledo ntoto novia kabaraka. Tapi ia nantesa i Yesus bo tesana haitu nakana mpuu!”

Lukas 1:76

Pade nanguli i Zakharia ka anana, “Iko, anaku, rakasangai nabi nu Alatala toNeliu KaogeNa, sabana iko majadi suro nTupu. Iko manguli ka topangoseaka Tupu, ira kana masadia mantarima Ia.

Markus 12:12

Naupu haitu, pakeni ntoYahudi nompasimbuku mombasaka i Yesus, sabana nisanira iramo nipambela ri porapaNa pangane. Tapi naeka ira ka todea. Jadi nalaimo ira.

Matius 26:5

Tapi nosiulika ira, “Nee kita movia haitu tempo Eo Mbaso Paskah ala todea ledo magado.”

Matius 21:46

Jadi nipasimbukura mombasaka i Yesus. Tapi naeka ira magado todea apa nangoseaka panggava ntodea i Yesus haitu nabi.

Matius 14:5

Kakanana Magau Herodes madota mompatesi i Yohanes, tapi naeka ia ante todea, sabana i Yohanes nirekera nabi.

Lukas 7:30

Tapi toFarisi ante guru-guru agama ledo nadota nantarima nia nu Alatala ka ira. Ira ledo nadota radiu i Yohanes.

Lukas 20:5

Jadi pakeni ntoYahudi nosimpekutana, “Berimba kita mesana ka Ia? Ane raulita i Yohanes nombadiu ante kuasa lako nte Alatala, aga rauliNa ka kita, ‘Jadi nakuya ledo niparasayamiu i Yohanes?’

Lukas 20:7

Jadi nesana ira, “Ledo nisani kami lako nte isema kuasana.”