Lukas 2:49 - Kaili Ledo

⁴⁹ Nesana Ia, “Nakuya nielokamiu Yaku? Ledo nisanimiu Yaku kana maria ri banua nTuamaKu?”

Lukas 2:49 Referans Kwoze

Yohanes 6:38

Apa Yaku nanau lako ri suruga, ledo movia dotaKu mboto, tapi movia anu nipodota nu Alatala anu nantudu Yaku.

Yohanes 8:29

Ia anu nantudu Yaku, Ia muni nomporoa Yaku. Ledo rapalambaNa Yaku saitoKu, sabana Yaku bate-batena novia anu nompakadamba raraNa.”

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Lukas 2:48

Tina tuamaNa muni nokumaa nanggita ia ri sia. Nanguli tinaNa ka Ia, “Yesus, nakuya Iko nompovia kami ivehitu? Yaku nte tuamaMu nasesa mpuu nompaelo Iko!”

Yohanes 5:17

Tapi nanguli i Yesus ka ira, “TuamaKu bate-batena nokarajaa sampe ri eo hitu, bo Yaku muni kana mokarajaa.”

Matius 21:12

Hau i Yesus nesua ri doyata Banua nu Alatala bo nipopalaiNa pura-pura tona nobalu-balu ri sia. NisumbolinakaNa meja-meja ntoposula doi bo bangku-bangku ntopobalu tonji banggebodo.

Yohanes 9:4

Ane da maeo, kita kana movia pokarajaa nu Alatala anu nantudu Yaku. Apa ane mabongimo domo mamala mokarajaa.

Yohanes 5:36

Tapi naria sangayapa anu nompakalanto isema Yaku, bo anu haitu nopokopa pade sabi i Yohanes Topediu, haitumo pokarajaaKu. PokarajaaKu niparasaya nTuamaKu ka Yaku ala Kupakaupu. Pokarajaa haitumo nompakalanto Yaku hii nitudu nTuamaKu.