Lukas 2:34 - Kaili Ledo

³⁴ I Simeon nosambaya merapi Alatala mombadekei belo ka ira. Niulikana i Maria, tina nu Ngana haitu, “Ngana hitu mpuu-mpuu nipelisi nu Alatala ala madea toIsrael manavu sabana Ia, tapi madea toIsrael ntanina rapakasalamaNa. Ia majadi tanda lako nte Alatala tapi madea tona mangeva Ia.

Lukas 2:34 Referans Kwoze

1 Korintus 1:23

Tapi kami aga nompatolele Kareba kamate i Kristus ri kayu salib. KamateNa haitu nompakadua rara ntoYahudi, bo nireke ntoYunani aga tesa ledo ria gunana.

Matius 21:44

Bo isema-sema manavu ri vatu haitu marupusaka, bo isema-sema rarumpi nu vatu haitu maoya mpeje.”

1 Petrus 4:14

Ane komiu rasalai ntona sabana komiu nangoseaka i Kristus, kana masana mpuumo komiu. Apa ane komiu rasalai sabana pomparasayamiu, batuana Nosa Gasa nu Alatala anu nakuasa, naria mpuu riara nggatuvumiu.

Ibrani 7:7

Nisanita pura-pura tona niperapika belo naedepa pade tona anu nerapi belo ka ia. Jadi i Melkisedek naogepa pade i Abraham.

Roma 9:32

Nuapa sabana? Sabana ira aga nanjarumaka pompasimbukura mboto nangoseaka atura agama, ledo nanjarumaka pomparasayara Alatala. Ira mpo tona natepasunu ri vatu pasunu, batuana: ira ledo nadota nomparasaya Magau Topepakasalama.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.

Suro-Suro 24:5

Nikita kami i Paulus tuu topegado nadaa ntoto. Nipakagadona toYahudi ri umba-umba ngata. Ia muni pakeni ntona nangoseaka pepatuduki i Yesus toNazaret.

Suro-Suro 17:6

Tapi ledo nikavara i Paulus bo i Silas ri sia. Jadi niumbunjairamo i Yason bo bara sako-ndua topomparasaya ntanina ri sia hau ri ngayo ntopoparenta-topoparenta ngata bo nongare, “I Paulus bo i Silas haitu nompakagado tona ri umba-umba dunia! Sii-sii ira nakava nompakagado ngatata hitu muni!

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 4:26

Magau-magau ri dunia nasiromu nasadia meeva, bo totua-totua ngata nasintuvu mangeva Alatala bo Magau Topepakasalama nipelisiNa.’ Mazmur 2:1-2

Yohanes 5:18

Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Yohanes 3:20

Isema-sema novia nadaa ledo ntoto nipokonora reme. Ira ledo ntoto madota manggaparai reme haitu ala pokainggura nadaa haitu ledo rakita.

Matius 27:63

Nakava hamai, nanguli ira, “Pua, nitora kami tesa ntopebagiu haitu tempo Ia da natuvu. NiuliNa, ‘Maliu talu-mbongi Yaku matuvu mpanjili.’

Matius 12:46

Tempo i Yesus da notesa-tesa ka todea haitu, nakavamo tinaNa bo sampesuvuNa. Ira neangga ri savalikuna madota motesa ante Ia.

Matius 11:19

Yaku, Ana nu Manusia nakava nangande bo nanginu uve anggur eva tona biasa, tapi niuli ntona, ‘Peintamo tona haitu! Nadoko, nalangu, vega ntopesingara balasitee bo vega ntodosa!’ Tapi nau ivesia, nisanita kanoto nia nu Alatala sabana aselena nikita ri pokainggu ntopangoseaka Ia.”

Ibrani 7:1

I Melkisedek haitu magau ngata Salem bo topanggeni pesomba ka Alatala anu Nelabi KaogeNa. Tempo i Abraham nanjili lako nombadagi magau-magau ri tana Kanaan, i Melkisedek hau nosinggava nte i Abraham bo nerapi Alatala mombadekei belo ka ia.

Suro-Suro 28:22

Tapi kami madota mangepe komiu motesa anu niparasayamiu, sabana nisani kami, ri umba-umba nisalai ntona pepatuduki nioseakamiu tutu.”

Lukas 2:35

Ivesiamo rapakalantoNa pekiri rara ntaira. Bo masusa muni raramiu. Peparajeamiu masimbayu mpo guma mantosu rara ntaimiu.”