Lukas 2:25 - Kaili Ledo

²⁵ Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Lukas 2:25 Referans Kwoze

Lukas 1:6

Katuvura njamboko mpuu-mpuu nompakadamba rara nu Alatala, sabana ira njamboko natundu ri pura-pura parenta bo atura nu Alatala.

Lukas 2:38

Jadi tempo i Yesus nikeni ri Banua nu Alatala, eva nisuka, neonga muni i Hana, bo nikitanamo i Yesus. Jadi nitoiyana Alatala, bo nitesana Ngana haitu ka pura-pura tona nantongoraka tempona Alatala mombakabasaka toYerusalem lako ri balira.

Markus 15:43

nakavamo saito toArimatea nosanga i Yusuf. Ia saito lako ri Polibu Mbaso Agama Yahudi bo nibila ntodea. Ia muni nantongoraka tempona Alatala moparenta mpo Magau. Ia nompebia hau mantingayo i Pilatus merapi karobata i Yesus.

Lukas 1:41

Nangepe petabe i Maria, nokalelomo ngana riara i Elisabet. Bo i Elisabet nipesua Nosa Gasa nu Alatalamo,

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Lukas 1:67

Tempo haitu i Zakharia, tuama nu ngana haitu, nikuasai Nosa Gasa nu Alatala sampe nipasimbayuna tesa nTupu ka ira, haitumo anu rapovia nTupu ngena.

Suro-Suro 2:5

Tempo haitu nadea toYahudi ntanina lako ri ngata-ngata ri njumangu dunia nonturo ri ngata Yerusalem. Ira haitu tona natundu nte Alatala.