Lukas 2:1 - Kaili Ledo

¹ Tempo haitu Magau Mbaso Kaisar Agustus nomparenta ala pura-pura sanga ntona riara poparentana ratulisi riara buku sensus ri ngata ntotuara mboto.

Lukas 2:1 Referans Kwoze

Lukas 3:1

Ri kasapulu lima-mpaena poparenta Magau Mbaso Kaisar Tiberius, i Pontius Pilatus najadi gubernur ri bagia Yudea, bo i Herodes noparenta ri bagia Galilea. I Filipus, tuaka i Herodes, noparenta ri propinsi Iturea bo propinsi Trakhonitis, bo i Lisanias noparenta ri bagia Abilene.

Matius 24:14

Bo Kareba Belo nu Poparenta nu Alatala kana rapatolele ri njumangu dunia ala pura-pura manusia mamala mangepena. Maupu haitu, pade makava kaupu nu dunia.”

Suro-Suro 25:21

Tapi i Paulus nekitangara ri ngayo Magau Mbaso. Niperapina ala ia rajagai nu tantara sampe parakarana rabotusi ri ngayo Magau Mbaso. Haitu sabana niparentaku rajagai njuu ia sampe maria logaku mombatudu ia rakeni hau ri ngayo Magau Mbaso.”

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

Roma 1:8

I Yesus Kristus mosinggava nte yaku nosukuru nte Tupuku Alatala. Pamula-mulana yaku nosukuru sabana lele pomparasayamiu i Yesus niepe ntonamo ri umba-umba ri dunia.

Suro-Suro 11:28

Saito ira nosanga i Agabus. Ia neangga ri tatangara bo ante pekeniaka Nosa Gasa nu Alatala, niulina kana majadi ara mpai ri njumangu dunia. (Ara mpai haitu mpuu-mpuu najadi tempo i Klaudius najadi Magau Mbaso).

Suro-Suro 25:11

Ane rapana mpuu-mpuu niliunakaku atura-atura bara nipoviaku anu masipato rahuku mate ka yaku, nasadiamo yaku mamate! Tapi pangaduara hitu ledo nakana, jadi ledo naria saitoa mamala mombadekei yaku ka ira. Yaku mekitangara ri ngayo Magau Mbaso!”

Markus 16:15

NiulikaNa ira, <

Markus 14:9

Pariaramo tesaKu hitu. Ri umba-umba ri dunia Kareba Belo rapatolele, povia nu mombine hitu kana ratesa muni ala ratora ia.>>

Matius 22:17

Jadi uli ka kami panggavaMiu. Nangoseaka Atura-atura agamata, masipato kita mombabayari balasitee ka Magau Mbaso Kaisar atau ledo?”

Lukas 2:3

Pura-pura tona hau ri ngata ntotuara mboto ala sangara ratulisi riara buku sensus.

Lukas 2:5

I Yusuf hau nosanggani-nggani nte tengeana i Maria anu da natiana, ala sangara ratulisi hamai.