Lukas 19:47 - Kaili Ledo

⁴⁷ Eo-eo i Yesus nesua nompaguru ri doyata Banua nu Alatala. Balengga ntopanggeni pesomba ante guru-guru agama bo totua-totua ntoYahudi madota mompatesi Ia.

Lukas 19:47 Referans Kwoze

Markus 11:18

Balengga-balengga ntopanggeni pesomba bo guru-guru agama nangepe anu najadi haitu. Jadi nieloramo dala mompatesi i Yesus. Naeka rarara nanggita Ia, sabana pura-pura tona nokumaa nangepe pepatudukiNa.

Matius 26:55

Pade nanguli i Yesus ka todea ri sia, “Berimbamo? Yaku hii topeago sampe komiu kana tumai ante guma bo pato mombasaka Yaku? Eo-eo Yaku nonturo nompaguru ri doyata Banua nu Alatala, tapi ledo nisakamiu Yaku!

Yohanes 18:20

Nesanamo i Yesus, “Yaku nasaro notovontoo notesa ri ngayo ntodea. Yaku nasaro notesa ri banua petupu bo ri Banua nu Alatala, ponturo nikasiromu ntoYahudi. Ledo ria sanggania nitabuniakaKu tesaKu.

Yohanes 10:39

Nangepe haitu, pakeni ntoYahudi nompasimbuku vaimo mombasaka i Yesus, tapi nalaimo Ia.

Yohanes 7:44

Naria bara sako-ndua ira madota mombasaka Ia, tapi ledo ria saitoa nabia nanggangisiNa.

Yohanes 7:19

Nabi Musa nombadekei ka komiu Atura-atura agama nggaulu, tapi ledo ria saitoa komiu natutu nangoseaka Atura-atura haitu. Ane ledo nakana tesaKu hitu, nakuya komiu nompasimbuku mompatesi Yaku?”

Markus 14:1

Tempo haitu da rombongipa pade Eo Mbaso Paskah bo Posusa Roti Ledo Noragi. Balengga-balengga ntopanggeni pesomba bo guru-guru agama nangelo dala mombasaka i Yesus nggalino bo mompatesi Ia.

Markus 12:12

Naupu haitu, pakeni ntoYahudi nompasimbuku mombasaka i Yesus, sabana nisanira iramo nipambela ri porapaNa pangane. Tapi naeka ira ka todea. Jadi nalaimo ira.

Matius 21:23

I Yesus nesua riara doyata Banua nu Alatala bo nompaguru. Da ranja nompaguru Ia, nakavamo balengga-balengga ntopanggeni pesomba bo totua-totua ntoYahudi. Ira madota mangelo saba, jadi nipekutanara nte i Yesus, “Ante kuasa nuapa nipoviaMiu pura-pura haitu ri Banua nu Alatala? Isema nombadekei kuasa haitu ka Komiu?”

Markus 14:49

Eo-eo Yaku nompaguru ri doyata Banua nu Alatala bo komiu naria ri sia muni, tapi ledo nisakamiu Yaku! Tapi ivesia mamimo kana majadi ala madupa tesa nitulisi riara Buku Gasa.>>

Lukas 19:48

Tapi ledo nikavara dala mompatesi Ia, sabana pura-pura todea nadamba gagamo nangepe tesaNa.

Lukas 20:19

Nisani nu guru-guru agama bo balengga-balengga ntopanggeni pesomba, porapa haitu nipambela i Yesus ka ira. Sabana haitu, naoge rarara mombasaka i Yesus tempo haitu muni, tapi naeka ira ka todea.