Lukas 19:29 - Kaili Ledo

²⁹ Napara ngata Betfage bo Betania ri kente nu Bulu Zaitun, nituduNa randua anaguruNa hau mokolu.

Lukas 19:29 Referans Kwoze

Matius 21:17

Naupu haitu i Yesus nompalaisi ira, pade nesuvu Ia lako ri ngata Yerusalem hau ri ngata Betania. Bo naturumo Ia sambongi hamai.

Suro-Suro 1:12

Naupu haitu, suro-suro i Yesus notinggulimo lako ri Bulu Zaitun bo hau ri ngata Yerusalem. Bulu haitu nitasere sangu kilo kakavaona lako ri Yerusalem.

Lukas 24:50

Naupu haitu, i Yesus nanggeni ana-anaguruNa hau ri savaliku ngata Yerusalem napara ngata Betania. Ri sia nilaerakaNa paleNa bo nerapi Alatala mombadekei belo ka ira pura-pura.

Lukas 22:39

Naupu sia, i Yesus nesuvu lako rangata haitu bo hau nantende ri Bulu Zaitun nangoseaka kabiasaNa. Bo ana-anaguruNa muni hau nosinggani-nggani nte Ia.

Lukas 21:37

Eona, i Yesus nompaguru ri Banua nu Alatala bo bongina hau naturu ri Bulu Zaitun.

Lukas 19:37

Tempo i Yesus napara ri ngata Yerusalem ri dala notua lako ri Bulu Zaitun, pura-pura todea nantuntuni Ia, nompamula nongare-ngare nantoiya Alatala ante damba rara sabana pura-pura kabaraka nikitara.

Lukas 19:30

Dopame nalai ira, niulikaNa, “Koi pokolu ri ngata moitu! Makava hamai, rakavamiu sangu ana keledai nitataka. Ana keledai haitu dopa sanggani nipesavi ntona. Volemo keledai haitu bo keni tumai.