Lukas 19:18 - Kaili Ledo

¹⁸ Jadi batua karanduana nakava bo nanguli, ‘Pua, doimu sampeka nipagoliku najadi lima-mpeka.’

Lukas 19:18 Referans Kwoze

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

Markus 4:20

Savua nanavu ri tana naboya nirapaka tona anu nangepe Tesa nu Alatala bo nantarima Tesa haitu. Kaupuna naria asele lako ri Tesa haitu riara nggatuvura, naria sanu talupulu-nggani kadeana, naria onopulu-nggani kadeana bo naria sanupa saatu-nggani kadeana.>>

Matius 13:23

Tapi savua nanavu ri tana naboya nirapaka tona nangepe Tesa nu Alatala bo nipariarara sampe naria mpuu-mpuu asele riara nggatuvura. Naria sanu aselena saatu-nggani kadeana, naria onopulu-nggani kadeana bo naria talupulu-nggani kadeana.”

Lukas 19:13

Dopame ia hau, nipokiona ntani sapulu batuana bo nidekeikana simbo sampeka doi bulava ka ira. Pade niulikana, ‘Doi hitu rapagolimiu sampe manjili yaku.’

Lukas 19:17

Pade nanguli madika ka batuana haitu, ‘Nabelomo! Iko batua nabelo. Iko namala raparasaya ante mbara-mbara sakide. Sabana haitu, iko Kupajadi topomparenta sapulu ngata.’

Lukas 19:19

Pade nanguli madika ka ia, ‘Nabelo! Iko Kuanggataka majadi topomparenta lima ngata.’

Matius 25:22

Bo nakava munimo batua anu niparasayaka ronjobu mpeka doi bulava. Nanguli ia, ‘Pua, komiu nomparasaya ka yaku ronjobu mpeka doi bulava bara ipia. Peinta vei. Nipagoliku doi haitu sampe nanggava anana ronjobu mpeka.’