Lukas 18:5 - Kaili Ledo

⁵ aginamo kutulungi mombine hitu ala domo rabatona yaku. Ane ledo kutulungi ia, ledo maupu-upu ia tumai mombalengesi yaku.’ ”

Lukas 18:5 Referans Kwoze

Lukas 11:8

Jadi berimbamo? Kuuli ka komiu, naupa komiu novega rapa, ledo madota roamiu membangu bo mombadekei anu niperapimiu. Tapi, kaupuna ia kana membangu mombadekei ka komiu anu niparaluumiu, sabana komiu ledo naeya matamiu nerapi njuu nte ia.

Lukas 18:39

Tona ri kolu i Yesus narau ka toburo bo nombasalaraka ia, “Nee makanano! Kalino iko!” Tapi toburo haitu aga nantambai kamanggana nongare, “Yesus, Muli Magau Daud, poasimo yaku!”

Matius 15:23

Tapi i Yesus ledo notingo. Bo ana-anaguruNa nanggaparai Ia bo nerapi nte Ia, “Guru, agina popalai haumo mombine haitu! Ia ledo naupu-upu nongare-ngare bo nantuntuni purita.”

Lukas 18:3

Ri ngata haitu mai naria muni saito mombine natimbala nasaro nakava nte topotangara bo nekisaliku ivei: ‘Tulungimo yaku mantingayo baliku!’

1 Korintus 9:27

Tapi yaku neguru nombakuasai karoku mboto ala ledo mangoseaka dota raraku nadaa, mbelaka maupu kupatolele Kareba Belo ka tona ntanina, yaku mboto ledo manggava hadia.