Lukas 18:39 - Kaili Ledo

³⁹ Tona ri kolu i Yesus narau ka toburo bo nombasalaraka ia, “Nee makanano! Kalino iko!” Tapi toburo haitu aga nantambai kamanggana nongare, “Yesus, Muli Magau Daud, poasimo yaku!”

Lukas 18:39 Referans Kwoze

Lukas 18:15

Nadea tona nanggeni ngana kodi hau nte i Yesus ala radikaNa paleNa ri ngana haitu bo merapi Alatala mombadekei belo ka ira. Nanggita haitu, ana-anaguruNa nompokarau ira.

2 Korintus 12:8

Talu-ngganimo niperapiku mpuu-mpuu nte i Pue Yesus ala suro lako ri Magau nu Seta haitu rapopalai lako nte yaku.

Lukas 19:39

Naria bara sako-ndua toFarisi ri tatanga ntodea haitu nompongare Ia, “Guru, salaraka anaguruMiu, nee mokanano!”

Lukas 18:38

Nangepe haitu, nongaremo toburo, “Yesus, Muli Magau Daud, poasimo yaku!”

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Lukas 11:52

Mandasa mpuu komiu guru-guru agama! Kakanana komiumo masipato mompatuduki tona mosisani nte Alatala. Tapi komiu mboto ledo nadota mosisani nte Alatala, bo komiu nombalava tona ntanina anu madota mosisani nte Alatala.”

Lukas 8:49

I Yesus da notesa ka mombine haitu, nakavamo tona lako ri banua i Yairus. Nanguli ia ka i Yairus, “Tua, namatemo anamu. Tumo mompakalenge i Guru hau ri banuamiu.”

Matius 7:7

“Perapimo nte Alatala bo radekeiNa ka komiu. Elomo bo rakavamiu. Tanedemo vamba bo vamba raunggeNa ka komiu.

Matius 8:26

Nangulimo i Yesus ka ira, “Nakuya komiu naeka? Nakura mpuu pomparasayamiu!” Naupu haitu neangga Ia nombatudu poiri bo balumba mbaso metaa. Bo kaliu-liu netaa mpuumo poiri bo nalinomo uve.

Matius 9:27

Tempo i Yesus nompapola polipaNa, naria randua toburo nantuntuni Ia bo nongare-ngare, “Muli Magau Daud! Poasimo kami!”

Lukas 18:40

Nangepe toburo nongare, netaamo i Yesus, bo nituduNa tona manggeni toburo ka Ia. Nakavapa toburo, nipekutana i Yesusmo,