Lukas 18:22 - Kaili Ledo

²² Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 18:22 Referans Kwoze

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Matius 19:21

Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Lukas 16:9

Kuuli ka komiu, pakemo kakalumana ri dunia hitu mombatulungi tona ntanina, ala tempona kakalumana dunia domo maria gunana, komiu ratarima nu Alatala ri ponturo anu batena sampe ri kasae-saena ri suruga.

Lukas 10:42

Tano mai aga sangaya nopoko, haitumo mangepe tesa nu Alatala. I Maria nompelisi tobelona, anu ledo mamala raalasi ntona lako nte ia.”

2 Petrus 3:8

Tapi, sampesuvu-sampesuvu nipotoveku, nee rakalingasimiu tesa hitu: Ri panggita nTupu, sanjobu mpae nasimbayu mpo saeo, bo saeo nasimbayu mpo sanjobu mpae.

Filipi 3:13

Sampesuvu-sampesuvu, nisaniku yaku dopa nasimbayu ntoto nte i Kristus. Tapi naria anu nipoviaku: yaku nombalingasi pura-pura anu najadi bara ipia bo nompasimbuku manggava anu naria ri ngayoku.

Lukas 9:23

Naupu sia niulikaNa todea ri sia, “Isema-sema madota mangoseaka Yaku, kana rakabasakana dotana mboto. Ia kana manjimbuaka kayu salibna eo-eo. Haitumo, ia kana masadia rapandasa nau sampe rapatesi bo mpuu-mpuu mangoseaka parentaKu.

Lukas 18:21

Nesana tona haitu, “Pura-pura parenta haitu nioseakakumo lako ri kakodiku.”

Lukas 18:23

Nangepe tesa i Yesus haitu, nasusamo rarana, sabana ia tona nakalumana mpuu.