Lukas 17:14 - Kaili Ledo

¹⁴ Pade nikanotoNamo ira bo niulikaNa, “Koimo pekiparesa karomiu nte topanggeni pesomba, nangoseaka Atura-atura agama nipapola Nabi Musa.” Nangepe haitu, hau mpuumo ira. Tempo ira da nolipa, nabelo puramo karora.

Lukas 17:14 Referans Kwoze

Lukas 5:14

I Yesus nombatagi tona haitu, “Nee mutesa ka tona anu najadi ri karomu. Koimo hau nte topanggeni pesomba bo popakitamo karomu ka ia ala rakitana nabelomo karomu. Bo dekeimo pesombamu ka Alatala nangoseaka parenta Nabi Musa, ala mompopakita ka todea iko mpuu-mpuu nabelomo.”

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Yohanes 11:10

Tapi tona nolipa tempo nabongi, matepasunu vatu kadana sabana ledo ria nuapa-nuapa nompakareme dalana.”

Yohanes 9:7

Pade nituduNa, “Koi doupimo matamu ri uve Kola Siloam.” Siloam batuana “Nitudu.” Jadi hau mpuumo toburo haitu. Nakava ri Kola Siloam, nidoupinamo matana. Nanjilipa ia, nekitamo matana.

Yohanes 2:5

Bo nangulimo tinaNa ka topokarajaa ri posusa haitu, “Poviamo nuapa-nuapa ratuduNa ka komiu ngena.”