Lukas 16:20 - Kaili Ledo

²⁰ Naria saito tona napakasi nidika ntona ri vamba ntona nakalumana. Topakasi haitu nosanga i Lazarus. Ia nabaka njumanggaro.

Lukas 16:20 Referans Kwoze

Suro-Suro 3:2

Ri bobaa mbaso anu niuli Bobaa Nagaya, naria saito langgai napunggu mami lako ri pompoanaka. Eo-eo ia nikeni hau ri bobaa haitu ala mamala mantande palena merapi-rapi nte topoliu nesua hau mosambaya ri Banua nu Alatala.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Yakobus 1:9

Sampesuvu-sampesuvu sampomparasaya, ane komiu mapepa, kana madamba raramiu, sabana nau napakasi katuvumiu, Alatala nompakaoge komiu.

Lukas 16:21

Ia madota mangande rombo nggandea nanavu lako ri meja ntokalumana haitu. Napakasi ntoto ia sampe asu-asu muni nakava nombadila bakana.

Yohanes 11:1

Naria saito langgai nosanga i Lazarus anu nonturo ri ngata Betania nosanggani-nggani ante sampesuvuna mombine anu nosanga i Maria bo i Marta. I Maria mombine nombatoli lana dupa ri kada i Yesus bo nipakabaina ante buluana. Naria sanggani i Lazarus nadua ntamo.

Matius 26:71

Naupu haitu i Petrus hau ri bobaa nu doyata. Ri sia saito batua mombine ntanina nanggita ia bo nanguli ka tona hamai, “Tona hitu muni nosanggani-nggani ante i Yesus, toNazaret haitu.”

Lukas 16:19

I Yesus nompapola tesaNa ante porapa hitu: “Naria saito tona nakalumana, pakeana mpo pakea nu magau nasuli mpuu alina. Katuvuna eo-eo mpo toposusa.