Lukas 15:24 - Kaili Ledo

²⁴ sabana anaku hitu, mamala raulita namatemo, tapi siipa natuvu mpanjilimo. Ia nalipomo, tapi siipa nikava mpanjilimo.’ Jadi nipoviara posusa, bo nadamba-damba.

Lukas 15:24 Referans Kwoze

Efesus 2:5

Tempo kita da nireke namate sabana ledo natundu nte Ia, Ia nompakatuvu mpanjili kita nosanggani-nggani ante i Kristus. Toramo! Komiu nipakasalama sabana kabelo rara nu Alatala!

Kolose 2:13

Bara ipia dopame komiu nomparasaya i Kristus, komiu nireke namate sabana komiu nadosa bo ledo nangoseaka atura-atura nu Alatala. Tapi sii-sii, Alatala nompakatuvu komiu nosanggani-nggani nte i Kristus, bo pura-pura dosamiu niampungiNamo.

Lukas 19:10

Yaku, Ana nu Manusia, nakava ri dunia hitu ala mangelo bo mompakasalama tona nasalandala.”

Efesus 2:1

Sampesuvu-sampesuvu, dopame komiu nomparasaya i Kristus, komiu nireke namate sabana komiu batena nadosa bo nombaliunaka parenta-parenta nu Alatala.

Lukas 15:4

“Rapana, ane roamiu mompatuvu bimba saatu anguna bo malipo sangu, nuapa rapoviana? Tantu rapalaisina bimbana siopulu bo sasio ranggarava bo hau raelona sangu bimbana nalipo haitu sampe rakavana.

Lukas 15:32

Tapi kita masipato mosusa madamba sabana tueimu namate, natuvu mpanjili. Ia nalipomo tapi sii-sii nikavata mpanjili.’ ”

Roma 6:11

Ivesia muni kita, kita kana rareketa namatemo nosanggani-nggani nte i Kristus bo nikabasakamo lako ri kuasa nu dosa. Jadi sii-sii kita kana matuvu bo mompakadamba rara nu Alatala, sabana kita nosangu rara ante i Yesus Kristus.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Roma 12:15

Ane roamiu madamba, komiu kana madamba mosanggani-nggani ante ia, bo ane roamu motumangi nabuku rarana, komiu kana motumangi mosanggani-nggani ante ia.

Yohanes 11:25

Nanguli i Yesus ka i Marta, “Yakumo anu nompakatuvu mpanjili tona namate bo Yakumo nombadekei katuvua nabelo. Isema-sema nomparasaya Yaku, nau ia mamatemo, ia batena matuvu mabelo.

Efesus 5:14

Bo pura-pura anu rapakalanto ivesia, mabali majadi mareme. Haitumo batuana tesa niuli ivei: “Pembangumo komiu anu namonjo. Pembangumo lako ri tatanga ntomate, Bo reme i Kristus mombavanta komiu.”

1 Korintus 12:26

Ane nadua sangu sipa, pura-pura sipa nu karo haitu nombarasaina muni. Ane sangu sipa nibila, pura-pura sipa nu karo muni nadamba.

1 Timotius 5:6

Tapi timbala anu natuvu aga nompesana-sana, ia mpo tomate, nau karona da natuvu.

Roma 11:15

Apa tempo Alatala nompoara toYahudi, dala nibuka ka pura-pura tona ntanina ri dunia rapoposinggabelo mpanjili ante Alatala. Jadi nelabipa kabelona ane toYahudi ratarima nu Alatala mpanjili! Apa kajadia haitu masimbayu mpo tona namate matuvu mpanjili!

Roma 6:13

Bo nee rapalamba karomiu movia nadaa. Tapi dekeimo katuvumiu ka Alatala apa kita nikabasakamo lako ri kamatea bo nitarimatamo katuvu nabaru. Dekeimo katuvumiu ka Alatala ala karomiu rapake movia anu nanoa.

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Markus 8:22

Naupu sia, hau ira sampe nakava ri ngata Betsaida. Hamai naria tona nanggeni saito langgai naburo ka i Yesus. Ira nerapi mpuu ala i Yesus mantui mata ntoburo haitu bo mompakabelo matana.

Pompakita 3:1

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Sardis ivei: “Hitumo tesa lako nte Yaku anu nombakuasai papitu Nosa nu Alatala bo anu nantipale pitu-angu betue. NisaniKumo pura-pura pokainggumiu. Komiu nireke ntona topomparasaya naroso, tano pomparasayamiu haitu namatemo.

Yudas 1:12

Tempo komiu nasiromu nangande nosanggani-nggani mantora posangu raramiu nte i Kristus, guru-guru mpodava gahaitu aga nepakaeya. Ledo naeya matara nompebasa nangande bo aga nompekirika karora mboto. Ira ledo ntoto ria gunana, nasimbayu mpo kulimu vuri anu ledo najadi uda, aga niburusi mpoiri. Bo ira nasimbayu mpo kayu ledo novua ri tempo mpovuana, mpo kayu nitovo bo nipekalesi sampe namate mpuu.

Lukas 10:19

Jadi, pariaramo! Yaku mombadekei kuasa ka komiu ala rapakulemiu mombajeje ule bo supitole bo mombadagi pura-pura karoso nu balita, bo ledo ria nuapa-nuapa mamala mombakuyasi komiu.

Matius 8:22

Tapi nanguli i Yesus ka ia, “Oseakamo Yaku! Palambakamo tona namate mombatana tona namate.”

Lukas 9:60

Nesana i Yesus, “Palambakamo tona namate mombatana tona namate. Tapi komiu, koimo hau ri umba-umba mompatolele kareba Poparenta nu Alatala.”

Lukas 15:23

Maupu haitu, koi ala ana japi toboyana bo sambalemo. Kita mangande madamba-damba,

Lukas 15:25

Tempo ira nadamba-damba ri banua, anana lumbua da ri talua. Nanjilipa ia, bo naparamo nte banuara, niepena musi bo suara ntopomore.