Lukas 14:21 - Kaili Ledo

²¹ Batua haitu nanjili manggeni tesara ka tupu nu posusa. Narau mpuu rara ntupu posusa, bo niulikana batuana pangane, ‘Koimo masalisa hau ri ngata, ri dala mbaso bo dala kodi, bo keni tumai tona napakasi, tona nakeru, tona naburo bo tona napunggu!’

Lukas 14:21 Referans Kwoze

Lukas 14:13

Ane komiu movia posusa, gagamo tona napakasi, tona nakeru, tona napunggu bo tona naburo.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Yohanes 9:39

Nanguli i Yesus ka ia, “Patuju kakavaKu ri dunia hitu ala mompakalanto sala ntona ala tona naburo mamala mekita, bo tona nisarumakana nekita, majadi maburo.”

Lukas 14:24

Kuuli ka komiu, ledo ria saitoa tona nigagaku kudekei mangande nuapa-nuapa ri posusaku hitu!’ ”

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Pompakita 22:17

Nosa Gasa bo boti mombine anu nasadia rapoberei nu Ana Bimba haitu nanguli, “Kamaimo!” Bo pura-pura tona nangepe tesa hitu kana manguli, “Kamaimo!” Isema-sema nabai tambolona, kamaimo! Isema-sema madota, kamaimo manginu uve anu nombadekei katuvua. Uve haitu nidekei bayangi, ledo paraluu raali.

Pompakita 19:15

Bo lako ri ngangaNa nesuvu samata guma natada. Ante guma haitu Ia mombadagi tona pura-pura riara dunia anu nangeva Ia, bo Ia momparenta ira ante ase poboba. Ia mombajeje-jeje pakaoya vua anggur ri pompea anggur nu Alatala anu Neliu KakuasaNa. Batuana, Ia mompopakita rau rara nu Alatala ka tona nadaa.

Ibrani 13:17

Oseakamo parenta-parenta nu pakeni-pakenimiu bo pekoumo nte ira, sabana iramo nombajagai pomparasayamiu. Makava tempona bara maipia ira kana manguli pakalanto ri ngayo nu Alatala berimbana komiu nikeniakara. Jadi pekoumo nte ira ala ira mamala mantui pokarajaa haitu ante damba nu rara. Ane komiu ledo mekou, aga masusa rarara bo haitu ledo manggeni belo ka komiu.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Matius 11:28

Isema-sema nalenge bo nantamo panggenina, kamaimo nte Yaku! Yaku mompakangaa ia.

Lukas 9:10

Naupu ana-anaguru i Yesus nompatolele Kareba Belo bo nompakabelo tona nadua, nanjilimo ira. Bo pura-pura anu nipoviara hamai, nitesara ka i Yesus. Naupu haitu, ira niunaka i Yesus hau nompatani ri sangu ngata nosanga Betsaida.

Matius 18:31

Nasusa mpuumo rara ntomaoge ntanina nanggita anu nipovia ntomaoge pangane ka roana. Jadi hau ira nte magau motesa ka ia pokainggu ntomaoge pangane.

Matius 15:12

Naupu haitu nakavamo ana-anaguruNa nanggaparai Ia bo nanguli, “Pue, nisaniMiu toFarisi nakodi rarara nangepe tesaMiu pangane?”

Lukas 14:20

Bo tona ntanina nanguli, ‘Dako noberei yaku, jadi ledo makapo tou!’

Lukas 14:22

Jadi naupu nipoviana pura-pura anu niparenta ka ia, niulinamo, ‘Tua, nipoviakumo anu niulimiu. Nadea tona nakava tapi da nariapa ponturo naloga.’

Matius 20:7

Nesana ira, ‘Ledo naria tona nombagaji kami.’ Bo nanguli tupu ntalua haitu, ‘Ane ivesia, koimo pokarajaa ri taluaku.’ Bo hau mpuumo ira.