Lukas 13:3 - Kaili Ledo

³ Tantu ledo! Tapi Kuuli ka komiu, ane komiu ledo majea movia dosa, komiu rahuku pura.

Lukas 13:3 Referans Kwoze

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Matius 3:2

Niulina, “Kajeamo lako ri dosamiu sabana naparamo tempona Alatala mompamula momparenta mpo Magau!”

Lukas 13:5

Ledo ntoto nakana! Kuuli vai ka komiu sangganipa, ane komiu ledo majea movia dosamiu, natantu komiu pura-pura rahuku muni.”

Matius 12:45

Jadi seta haitu hau nompokio papitu seta ntanina anu nadaapa pade ia mboto. Bo nakavamo ira nesua nte tona haitu bo nonturo ri sia. Kaupuna katuvu ntona haitu tantu melabipa kadaana pade ri pamulana bara ipia. Ivesia muni anu majadi nte tona nadaa anu natuvu sii-sii sabana ira ledo nadota nomparasaya tesaKu.”

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Matius 22:7

Nangepe anu najadi haitu, nagigi mpuumo rara magau. Nituduna tantara-tantarana hau mompatesi topepatesi haitu bo mombatunju ngatara.

Lukas 13:2

Nangepe kareba haitu nanguli i Yesus, “Nee rapekirimiu toGalilea namate haitu sabana dosara nadeapa pade dosa ntoGalilea ntanina.

Lukas 13:4

Toramo tona sapulu uvalu anu namate napara Kola Siloam tempo ira nirumpi nu banua langa. Nee rapekirimiu ira namate sabana nadeapa dosara pade dosa ntoYerusalem ntanina!