Lukas 13:21 - Kaili Ledo

²¹ Kajadina nasimbayu ante ragi niala mombine bo nipasigalona ante talu-njuka labu nu gando. Naupu nipasigalona, nenggamba puramo labu nu gando haitu.”

Lukas 13:21 Referans Kwoze

Matius 13:33

Naupu sia nitesa i Yesus vaimo sangu porapa ntanina. NiuliNa, “Poparenta nu Alatala nasimbayu eva ragi niala nu mombine bo niposigalona ante talu-njuka labu nu gando. Naupu nipasigalona, nenggamba puramo labu gando haitu.”

1 Korintus 5:6

Ledo masipato malanga raramiu bo mangoe ka pokainggu ivehaitu. Ledo nisanimiu tona nokainggu nadaa namala manggeni tona ntanina movia nadaa? Tona nokainggu nadaa nasimbayu mpo ragi sakide anu namala mompopenggamba pura-pura gando.

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

Filipi 1:6

Alatala mbotomo nompamula novia anu nabelo riara ntaimiu. Bo niparasayaku poviaNa haitu rapakapolaNa sampe maupu, ri tempo kakava i Yesus Kristus mpanjili.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Lukas 13:20

Nanguli vaimo i Yesus, “Nuapa Kupakasimbayuka kajadina Poparenta nu Alatala?