Lukas 12:30 - Kaili Ledo

³⁰ Haitu pura anu nielo ntona ledo nosisani nte Alatala. Tapi ledo paraluu makini raramiu, sabana Alatala Tuamamiu, nisaniNa pura-pura anu niparaluumiu.

Lukas 12:30 Referans Kwoze

Matius 6:32

Haitu puramo nielo ntona anu ledo nosisani ante Alatala. Tapi ledo paraluu makini raramiu sabana pura-pura anu niparaluumiu haitu nisani nu Alatala, Tuamamiu ri suruga.

Matius 6:8

Nee mompasiala pokainggura haitu! Apa nisani nu Alatala mamimo nuapa niparaluumiu dopame komiu merapi lako nte Ia.

Efesus 4:17

Jadi sampesuvu-sampesuvu, ante kuasa nidekei nTupu ka yaku, kuuli ka komiu, tumo matuvu mpo tona ledo nosisani ante Alatala! Ira aga nompekirika anu ledo ria gunana,

Lukas 12:32

I Yesus nompapola tesaNa ivei: “Nau ledo nadea komiu anaguruKu, nee maeka, sabana komiu nipelisi nTuamamiu Alatala, lako ri kabelo raraNa ala komiu moparenta mosanggani-nggani nte Ia riara poparentaNa.

Matius 18:14

Ivesia muni Tuamamiu ri suruga. Ia ledo madota saitoa lako ri ngana kodi hitu malipo pomparasayana.”

1 Tesalonika 4:5

Nee aga matuvu nte bereimiu mangoseaka dota nu rara mabuga, anu biasa najadi nte tona ledo nosisani nte Alatala.

Matius 10:20

Bo tesa-tesa raulimiu ledo tesa lako ri pekirimiu mboto, tapi tesa lako nte Nosa Gasa nTuamamiu Alatala. Iamo mokarajaa riara ntaimiu mompakalanto tesa nuapa masipato ratesamiu.

Matius 5:47

Bo ane komiu aga nabelo nte roamiu mboto, natantumo pokainggumiu haitu ledo mbeki ratoiya. Nau tona ledo nosisani nte Alatala nabelo nte roara mboto!

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Matius 6:1

“Toramo, ane komiu movia ada-ada nu agama, nemo rapopakita ri ngayo ntodea. Apa ane ivesia pokainggumiu, komiu ledo ntoto manggava belo lako nte Alatala, Tuamamiu ri suruga.

Lukas 12:29

Jadi nee maingu bo makini raramiu mompekirika nuapa rakandemiu bara nuapa rainumiu!

Lukas 12:31

Jadi pasimbukumo ala Alatala momparenta riara katuvumiu, bo pura-pura anu ntanina haitu radekeiNa muni ka komiu.”