Lukas 12:2 - Kaili Ledo

² Tapi pokainggu nitabuniakara kana rasani ntona, sabana pura-pura anu nitabuniaka sii-sii kana malanto rakita ngena, bo pura-pura rahasia kana rasani ntodea ngena.

Lukas 12:2 Referans Kwoze

Markus 4:22

Haitu nogambara ka kita, pura-pura anu nitabuniaka sii-sii kana rapakalanto ngena, bo pura-pura anu dopa nisani ntona sii-sii kana rasani ntona pura bara maipia.

Lukas 8:17

Pura-pura anu nitabuniaka sii-sii kana rapopakita ngena, bo anu dopa nisani sii-sii kana rapopaisani ngena.

2 Korintus 5:10

Apa kita pura-pura kana mantingayo i Kristus bara maipia ala ratangaraNa. Maupu ratangaraNa, simbo rakavata anu nipakatantu nangoseaka anu nipoviata tempo kita natuvu ri dunia hitu, bara povia nabelo bara povia nadaa.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

Roma 2:16

Jadi, ivesiamo majadi ri Eo Potangara. Nangoseaka Kareba Belo anu nipatoleleku, ri Eo Potangara Alatala mombatudu i Yesus Kristus mombatangara pura-pura anu nitabuniaka riara ntai nu manusia.