Lukas 12:17 - Kaili Ledo

¹⁷ Tona haitu nompekiri, ‘Nuapa kupovia? Domo ria pomboli asele poviaku.’

Lukas 12:17 Referans Kwoze

Matius 5:42

Dekeimo ka tona nerapi nte komiu, bo nee mompoara tona makava manginda anumiu.”

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.

Roma 12:13

Tulungimo roa sampomparasaya anu napepa, bo tarimamo torata riara banuamiu.

Suro-Suro 16:30

Naupu sia, nikenina ira hau ri savalikuna bo nanguli, “Tua, nuapa kupovia ala yaku rapakasalama?”

Lukas 19:17

Pade nanguli madika ka batuana haitu, ‘Nabelomo! Iko batua nabelo. Iko namala raparasaya ante mbara-mbara sakide. Sabana haitu, iko Kupajadi topomparenta sapulu ngata.’

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 16:9

Kuuli ka komiu, pakemo kakalumana ri dunia hitu mombatulungi tona ntanina, ala tempona kakalumana dunia domo maria gunana, komiu ratarima nu Alatala ri ponturo anu batena sampe ri kasae-saena ri suruga.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

Suro-Suro 2:37

Tempo todea nangepe tesa i Petrus haitu, nasilonto ntoto riarara. Bo nipekutanara nte i Petrus bo suro-suro ntanina, “Sampesuvu-sampesuvu, ane ivesia, nuapa masipato rapovia kami?”

Lukas 16:3

Nangepe haitu, nompekirimo topompasiayu kakalumana, ‘Hee, berimbamo yaku hii? Tuaku madota mombakabasaka yaku. Nuapa kupovia ngena? Ane motonggo, domo kupakule. Ane merapi-rapi ri dala, maeya mataku.

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Lukas 12:29

Jadi nee maingu bo makini raramiu mompekirika nuapa rakandemiu bara nuapa rainumiu!

Lukas 12:22

Pade nanguli i Yesus ka anaguruNa ivei: “Kuuli ka komiu, nee makini raramiu mompekirika katuvumiu bara nuapa rakandemiu, bara baju nuapa rapakemiu,

Lukas 11:41

Dekeimo ka tona napakasi ante belo rara bo ivesiamo pura-pura majadi magasa ka komiu.

Lukas 10:25

Naria saito guru agama ntoYahudi neangga ri sia. Ia madota mombaopa tesa i Yesus. Jadi nekutana ia, “Guru, nuapa masipato kupovia ala yaku mamala matuvu sampe ri kasae-saena?”

Lukas 3:11

Nesana i Yohanes, “Tona rontonga bajuna, kana radekeina santonga ka tona ledo ntoto naria bajuna. Tona nokandea kana radekeina sanu ka roana ledo ria kandeana.”

Matius 16:7

Nangepe haitu nosimpotesa anaguruNa, “NiuliNa ivesia sabana kita ledo nanggeni roti bara.”

Lukas 12:16

I Yesus norapa mompakalanto tesaNa pangane ivei: “Naria saito tona nakalumana, tanana nabelo bo aselena nadea mpuu.

Lukas 12:18

Naupu nipekirina, nitesanamo ka karona mboto, ‘Ivei kupovia. Kugerosi gampiri kodi hitu bo kupoviaka gampiri mbasona bo kuboli ri sia asele poviaku bo mbara-mbaraku.