Lukas 11:8 - Kaili Ledo

⁸ Jadi berimbamo? Kuuli ka komiu, naupa komiu novega rapa, ledo madota roamiu membangu bo mombadekei anu niperapimiu. Tapi, kaupuna ia kana membangu mombadekei ka komiu anu niparaluumiu, sabana komiu ledo naeya matamiu nerapi njuu nte ia.

Lukas 11:8 Referans Kwoze

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Roma 15:30

Sampesuvu-sampesuvu, kita nosangu rara ante Tuputa Yesus Kristus bo kita nosimpotove sabana pokarajaa Nosa Gasa riara ntaita. Sabana haitu, kuperapi nte komiu, pekakaimo mpuu-mpuu nte Alatala mosanggani-nggani ante yaku, mosambaya ka yaku.

Kolose 2:1

Jadi, kana rasanimiu yaku nompasimbuku mpuu nantulungi komiu bo tona ri ngata Laodikia, bo pura-pura tona anu dopa nosisani ante yaku.

2 Korintus 12:8

Talu-ngganimo niperapiku mpuu-mpuu nte i Pue Yesus ala suro lako ri Magau nu Seta haitu rapopalai lako nte yaku.

Lukas 11:7

Rapana roamiu mesana ivei: ‘Nee rabato yaku! Vamba nikapukumo bo kami ntali ana naturumo. Domaku membangu mombadekei ka iko anu niperapimu.’