Lukas 11:40 - Kaili Ledo

⁴⁰ Nadoyo mpuu komiu! Alatala ledo aga nompajadi karomiu tapi nipajadiNa muni rara ntaimiu!

Lukas 11:40 Referans Kwoze

Lukas 12:20

Tapi Alatala nanguli ka ia, ‘Heh, todoyo! Bongi hitu iko mamate. Pura-pura anu nipakasadiamu, isema tupuna ngena?’ ”

1 Korintus 15:36

Nadoyo mpuu komiu mompekutana ivesia! Nau bara nuapa ratuda ri talua, ledo matuvu ane anguna ledo ralovu ri tana ntani!

Matius 23:26

Komiu mpuu-mpuu eva tona naburo! Pegasa ntanimo ruru rara nu boda ala bagia savalikuna muni majadi magasa!

Ibrani 12:9

Kapolana, tuamata ri dunia nombaboba bo nompatuduki kita bo kita nombabila ira bo nekou nte ira. Ane ivesia, natantumo kana meliupa pekouta nte Alatala, Tuamata ri suruga ala kita matuvu mabelo.

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Matius 23:17

Nadoyo mpuu komiu! Komiu eva tona naburo! Nisumboliakamiumo! Umbana naogepa, bulava atau Banua nu Alatala anu nompakagasa bulava anu naria riarana? Natantumo Banua nu Alatala naogepa!