Lukas 11:39 - Kaili Ledo

³⁹ Haitu sampe i Yesus nanguli ka ia, “Komiu toFarisi nangoseaka ada-ada agama anu nikita ntona, tapi raramiu nadaa bo nainoka mbara-mbara ntona ntanina. Komiu nasimbayu mpo tona notoposi boda bo suraya ri savalikuna tapi riarana bate-batena natagara!

Lukas 11:39 Referans Kwoze

Yakobus 4:8

Pekitulungimo nte Alatala bo Alatala mpuu-mpuu mombatulungi komiu. Komiu topovia dosa, tumo movia dosa. Komiu toporompenga pekiri, pakasangumo pekirimiu mangoseaka Alatala.

Titus 1:15

Ane tona nagasa rarana, pura-pura poviana nagasa. Tapi ane tona nadaa pekirina bo ledo nomparasaya Alatala, ledo ria poviana nuapa-nuapa nagasa, sabana pekiri bo rara ntaira nadaa mami.

Suro-Suro 5:3

Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

Matius 15:19

Apa lako riara ntai neumba mpengaya pekiri nadaa, anu nanggeni tona nepatesi, nobualo, nogau nabuga, nangangga, nosabi dava, bo nesalai.

Matius 7:15

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa.

Galatia 1:14

Natutupa yaku nangoseaka agama Yahudi pade pura-pura roaku toYahudi anu sanggatuvu nte yaku. Nadidi mpuu raraku nangoseaka pepatuduki bo ada-ada ntotua kami nggaulu.

Yohanes 12:6

Kakanana ledo tona napakasi nitora i Yudas, tapi aga karona mboto apa ia topelea. Iamo anaguru anu niparasaya nombaboli doira, bo sanggani-sanggani nipeleana doi haitu. Haitu sampe niulina ivesia.

Lukas 16:15

Tapi i Yesus nanguli ka ira, “Ri ngayo ntona ntanina, komiu nikita nabelo, tapi nisani nu Alatalamo pura-pura isi rara ntaimiu. Anu nabelo ntoto ri panggita manusia, haitumo nipovuu mata nu Alatala.

Lukas 7:13

Tempo i Yesus nanggita ia, naasi mpuumo mataNa. NiulikaNa, “Nee motumangi, Ina.”

2 Timotius 3:5

Pangoseakara ada-ada agama mpo tona natundu nte Alatala, tapi riara ntaira nipoarara kuasa nu Alatala anu nompakule mombabaliki rarara nadaa. Timotius, nee mpuu mosimpovega nte tona nokainggu nadaa ivehaitu.

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Lukas 7:19

bo nituduna hau mompekutana i Yesus ivei: “Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”