Lukas 11:35 - Kaili Ledo

³⁵ Jadi, pakabelo-belo! Nee sampe pekiri rara ntaita majadi malanda.

Lukas 11:35 Referans Kwoze

2 Petrus 1:9

Tapi tona ledo noinggu ivehaitu, pekirina nasimbayu mpo tona naburo matana, nalingamo rarana dosana nipegasa bara ipia.

Pompakita 3:17

Komiu nanguli, ‘Kami hii nakalumanamo, nagana puramo katuvu kami, domo kami paraluu nuapa-nuapa.’ Tapi kakanana ledo nisanimiu katuvumiu mboto! Komiu nelabi napakasi. Katuvumiu aga nipoasi mata ntona. Komiu napakasi mpuu, naburo matamiu, bo novuloamo komiu.

Roma 1:22

Pangulira iramo tonoto pekiri, tano aga todoyo!

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

Matius 6:22

Mata nirapaka poindo nu karo. Ane matata nabelo, tantu nalanto pekitata.

Lukas 11:34

Mata nirapaka poindo nu karo. Ane matata nabelo, nalanto pekitata. Tapi ane navurau matata, ledo malanto rakitata nuapa-nuapa. Ivesia muni pekiri rara ntaita.

Lukas 11:36

Ane pekiri rara ntaita nareme bo ledo naria nuapa-nuapa nalanda, pura-pura katuvuta mareme mpuu mpo anu nivanta mpoindo.” *