Lukas 11:15 - Kaili Ledo

¹⁵ Tapi naria muni sanu nanguli, “Ia namala nompopalai seta ante kuasa lako nte i Beelzebul, Magau nu Seta.”

Lukas 11:15 Referans Kwoze

Matius 9:34

Tapi nanguli toFarisi hamai, “Bai! Tona hitu aga nompopalai seta ante kuasa lako nte Magau nu Seta mboto!”

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 7:20

Nesanamo tona dea haitu, “Iko nipesua nu seta! Isema nompasimbuku mompatesi Iko?”

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 4:24

Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Matius 12:22

Naupu haitu naria saito tona nikeni hau nte i Yesus. Tona haitu naburo bo nabobo sabana ia nipesua nu seta. I Yesus nompopalai seta lako ri tona haitu sampe ia namalamo notesa bo nekita.