Lukas 11:13 - Kaili Ledo

¹³ Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Lukas 11:13 Referans Kwoze

Matius 7:11

Nau komiu tona nadosa, nisanimiu nombadekei anu nabelo ka anamiu. Nemopa Alatala, Tuamamiu ri suruga! Natantu Ia muni mombadekei anu nabelo ka isema-sema merapi nte Ia.”

Yohanes 4:10

Nesanamo i Yesus, “Ane musani anu nidekei nu Alatala bo ane musani isema Yaku anu nerapi uve inu lako nte iko, natantu muperapi muni lako nte Yaku bo Kudekei ka iko uve anu nombadekei katuvua mabelo.”

Roma 8:32

Ledo natove raraNa nte AnaNa mboto, nidekeiNa rapatesi mantolo dosata. Sabana haitu, nisanita kana radekeiNa muni ka kita mpengaya-ngaya anu niparaluuta ante joi raraNa.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Matius 6:14

Ane komiu mombaampungi tona novia sala nte komiu, Alatala Tuamamiu ri suruga, muni mombaampungi komiu.

Matius 6:32

Haitu puramo nielo ntona anu ledo nosisani ante Alatala. Tapi ledo paraluu makini raramiu sabana pura-pura anu niparaluumiu haitu nisani nu Alatala, Tuamamiu ri suruga.

Lukas 11:2

Nanguli i Yesus ka ira, “Ane komiu mosambaya, ulimiu ivehitu: ‘Tata, aga Komiu masipato rapetupu bo rapakaoge. Komiumo Magau kami. Perapi Komiu momparenta ri dunia hitu.

Matius 6:30

Jadi ane Alatala nompakagaya bunga-bunga ranggavoko anu aga natuvu sampalai bo maile rapalabusi, nemopa komiu! Natantu Ia mombadekei ka komiu pakea niparaluumiu. Nakura mpuu pomparasayamiu!

Matius 5:45

Ane komiu mokainggu ivehaitu, komiu majadi ana-ana nu Alatala, Tuamamiu ri suruga. Apa nipotoveNa pura-pura tona bo nipopebondaNa mata nu eo ka tona nadaa bo ka tona nabelo. Bo nidekeiNa uda ka tona nanoa bo ka tona natenggo muni.

Matius 5:16

Ivesia muni reme anu naria riara ntaimiu, nee ratabuniaka! Komiu kana matuvu ante pokainggu nabelo ala tona ntanina mamala manggita pokainggumiu haitu bo mantoiya Tuamamiu ri suruga.”

Roma 7:18

Nisaniku ledo ria anu nabelo riara ntaiku, apa yaku manusia nadosa. Yaku madota mokainggu mabelo, tapi ledo nipakuleku.

Roma 5:17

Nompamula lako ri peliunaka ntona saito, pura-pura manusia mamate. Tapi naogepa aselena lako ri anu nipovia ntosaitona, i Yesus Kristus! Alatala mpuu-mpuu nabelo nte kita bo nidekeiNa ka kita pedekei bayangi, haitumo, kita nipajadiNa nanoa ri panggitaNa sabana anu nipovia i Yesus. Isema-sema nantarima pedekeiNa haitu manggava kuasa bo katuvu nabelo sampe ri kasae-saena.

Titus 3:3

Toramo, kita muni bara ipia da nalanda rarata nasimbayu mpo tona ledo nomparasaya i Yesus. Ledo nisanita dala nakana mosisani nte Alatala bo ledo nioseakata parentaNa. Katuvuta bara ipia nikuasai dota nu rarata nadaa bo kasana nu dunia anu ledo nabelo. Kita natuvu narau rara nanggita roa, nasiriati, bo nosipovuu mata nte tona ntanina.

Lukas 11:12

Ane anamiu merapi ntalu, supitole radekeimiu? Tantu ledo!

Lukas 18:7

Iyapa tona ledo nanoa, nadota nantulungi timbala nerapi nte ia, nemopa Alatala! Natantu ratulungiNa todea nipelisiNa anu nekakai nte Ia eo bongi. Nee rapekirimiu Ia aga nokalera-lera mantulungi ira.